Kûguû 11:19 - ÎVUKU RÎA ÛVORO MWARO

¹⁹ Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 11:19 ပူးပေါင်းရင်းမြစ်များ

Thaburi 105:32

Îthenya rîa mbura, aamaurithîrie mbura ya mbembe, na mveni ciamûrîkaga vûrûri wao wonthe.

Thaburi 18:12

Rûveni nîrwavenirie mbere yake, na mbura ya mbembe na nthande cia mwaki nîciaumîre maturî mairû.

Isaia 28:2

Taroria, Mwathani nîethuurîrîte njamba îrî vinya; ûrîa wîkariî ta mbura ya mbembe na rûkûngi rûnene, ta makûmbî manene ma manjî makiuna; nîakaamarivania nthî na vinya.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 32:19

Naguo mûtitû nîûkaathirua viû, narîo îtûûra rîcûkangue viû.

Ezek 13:11

Îra arathi acio mavakaga rûthingo rangi mûcerû atî nîrûkaurîrwa nî mbura nene ya mbembe, na rûringwe nî rûkûngi rûnene na nî rûkaagwa.

Ezek 13:13

Kwoguo Ngai-Mûnene augîte atîrî, “Nîngaarekereria rûkûngi rûnene na mbura ya mbembe nîrî na marakara icûkangie rûthingo rûu.

Ezek 38:22

Nîngaamûverithia na mîrimû mîcûku na ndûme andû maûragane. Nîngaaurithîria Gogu, athigari ake a mbaara na arîa onthe arî nao mbura nene ya mbembe na mwaki wa ûviriti.

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 4:5

“Ngai-Mûnene nîwerire Musa atîrî, mûkiumagara kuuma îgemarî, Aroni na avîcî ake magaatonyaga îgemarî na magooca gîtambaa kîrîa kîrî mbere ya îthandûkû rîa kîrîkanîro makînakunîkîra îthandûkû rîu na kîo.

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 12:1

Naguo ûrirû mûnene na wa magegania nîwaumîrire kûu îgûrû. Nî kwarî na mûndûmûka wekîrîte riûa rîrî ta nguo, na akinyithîtie magûrû make mwerirî. Na aarî na nthûmbî ya njata îkûmi na igîrî kîongorî gîake.

Kûguû 16:1

Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”

Kûguû 16:18

Nîkwagîre mveni, mîgambo, mîrurumo ya ngwa, na kîthingithia kînene. Gûtirî kwagîa Kîthingithia kîngî na gîcûku ta kîu kuuma rîrîa mûndû aaûmbirwe.

Kûguû 16:21

Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”

Kûguû 4:5

Gîtîrî kîu Kîam ûthamaki nîkwaumaga mveni, mîgambo, na mûrurumo na ngwa. Kwarî na imûrî mûgwanja ciaakanaga vau mbere ya gîtî kîu Kîam ûthamaki, na imûrî icio nî maaroho mûgwanja marîa maatungataga Ngai.

Kûguû 7:15

Kîu nîkîo gîtûmaga marûngame vau mbere ya gîtî Kîam Ûthamaki Kîam Ngai na mamûtungatîre ûtukû na mûthenya marî hekarûrî yake. Nake ûcio wîkarîrîte gîtî Kîam ûthamaki akaamagitagîra nîûndû akethagîrwa arî vamwe nao.

Kûguû 8:5

Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.