Kûguû 10:5 - ÎVUKU RÎA ÛVORO MWARO

⁵ Nake mûraika ûcio nonire arûngamîte îriarî na nthî nyûmû nîwaûkîrîrie njara yake îgûrû,

Kûguû 10:5 ပူးပေါင်းရင်းမြစ်များ

Kîam 14:22

Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Thaburi 146:5

Gûkena nî mûndû ûrîa ûtethagua nî Ngai wa Jakovu, ûrîa mwîrîgîrîro wake ûrî kûrî Ngai-Mûnene Ngai wake,

Ntha 20:11

Nîûndû Nie Ngai-Mûnene naaûmbire îgûrû, nthî, na îria wana indo cionthe irîa irî kuo na mîthenya îtandatû, na mûthenya wa mûgwanja ngîvurûka. Kwoguo Nie Ngai-Mûnene nînaarathimire mûthenya wa thavatû na ngîûtua mûtheru.

Ntha 6:8

Nanie nîngaamûvira vûrûrirî ûrîa nerîîre Iburahimu, Isaka na Jakovu atî nîngaamava na nîngaamûva guo ûtuîke wenyu. Nie nî Nie Ngai-Mûnene.’ ”

Ezek 20:15

Marî werûrî nînevîtire kûrî o ngiuga ndikaamavira vûrûrirî ûrîa naamaveete wîcûrîte îriia na ûûkî na mwaro gûkîra mavûrûri monthe,

Ezek 20:23

Makîria ma ûguo nînevîtire nîrî mbere yao kûu werûrî ngiuga atî, nîngaamanyagania gatagatîrî ka ndûrîrî ciîngî na ndûme mavirwe mavûrûrirî mengî.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 20:5

Meere Ngai-Mûnene augîte atî, mûthenya ûrîa nie naathuurire andû a Isiraeli nîneranîre na mwîvîtwa kûrî njiarwa cia Jakovu na ngîîmenyithania kûrî o marî vûrûrirî wa Misiri. Nevîtire kûrî o ngiuga atî nie nînie Ngai-Mûnene Ngai wenyu.

Ezek 36:7

Nie Mwathani Ngai-Mûnene nevîta na neranîra atî, mavûrûri mau mamathiûrûrûkîrîtie nwanginya wana mo magaaconorithua.

Ezek 47:14

Nînevîtire ngiuga nîngava methe menyu vûrûri ûyû ûtuîke wao. Rîu gaîrani mîvîrîga yonthe icunjî ciîganene.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 17:23

Vîndî îrîa nie nîracerangaga îtûûrarî rîîrî rîenyu na ngîroria kûrîa mue mûgoocagîra, nînîrethîre metha ya kûrutîra kîgongoona yandîkîtwe atîrî, ‘Kûrî Ngai ûrîa Ûtaicîkene’. Na kwoguo, ngai ûcio mue mûgoocaga wana mûtamwicî, nîke Ngai ûrîa nie nîravunjia ûvoro wake kûrî mue.

Aroma 1:20

Kuuma rîrîa Ngai aaûmbire nthî, maûndû make marîa matoonekaga nîmamenyekete waro. Maûndû mau nî vinya wake ûrîa ûtûûraga tene na tene na ûngai wake. Andû nîmataûkagîrwa nîmo waro maroria indo irîa Ngai aaûmbire na kwoguo gûtirî na mûndû ûngîgîa na kîîgwatio.

Gûco 32:40

Wata ûrîa Nie nîrî Ngai ûrîa ûtûûraga mwoyo, nîngûkîrîria njara nîîvîte atî,

Ahib 6:13

Rîrîa Ngai aathondekire kîîranîro gîake na Iburahimu nîwevîtire na rîîtwa rîake ke mwene, nîûndû gûtirî wîngî warî mûnene kûmûkîra.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 10:2

Ke aarî na kavuku ga gîkûnjo njararî yake karî kavingûre. Kûgûrû gwake kwa ûrîo aagûkinyithîtie îriarî, nakuo kwa ûmotho agagûkinyithia nthî nyûmû.

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 16:17

Nake Mûraika wa mûgwanja nîwetûrûrire kîrîa Kîamrî mbakûrirî yake rîerarî. Naguo mûgambo mûnene nîwaumire gîtîrî Kîam ûnene kûu hekarûrî ûkiuga atîrî, “Maûndû nîmarîka!”

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”

Kûguû 4:9

Ciûmbe icio inya irî mwoyo nîcinaga nyîmbo cia kûvecana riiri, gîtîîo na ngatho kûrî ûrîa wîkarîrîte gîtî Kîam ûthamaki, na ûtûûraga tene na tene. Na rîrîa rîonthe igwîka ûguo,