Kûguû 1:7 - ÎVUKU RÎA ÛVORO MWARO

⁷ Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 1:7 ပူးပေါင်းရင်းမြစ်များ

Ayubu 33:26

Rîrîa mûndû ûcio avoya, Ngai nîamwîgucaga, nîagocaga Ngai akenete, nake Ngai nîatûmaga maûndû make mavue.

Thaburi 22:16

Gîkundi Kîam andû arîa acûku nîkînthiûrûrûkîrîtie, gîkundi gîkariî ta ngui ino mvûtu nîkînthiûrûrûkîrîtie, nîmanducangîte njara na magûrû makwa.

Thaburi 68:1

Ngai arûngamaga nthû ciake ikanyagania; nao arîa mamûmenete makaûra nîke.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Zakaria 12:11

Vîndî îo Jerusalemu nîgûkaagîa na kîrîro kînene wata kîrîa Kîamrîrirwe Hadadi Rimoni vûrûrirî ûrîa mwaraganu wa Megido.

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Maariko 13:26

Nake Mûrû wa Mûndû nîakoonekana agîûka arî matuurî, na arî na vinya nyîngî na riiri.

Maariko 14:62

Nake Jesû nîwamacokerie atîrî, “Îni, nînie ke. Na nîmûkoona Mûrû wa Mûndû ekarîte mwena wa ûrîo wa Ngai mwene vinya wonthe na agîûka arî matuurî ma îgûrû.”

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

Johana 19:34

Nwatî mûthigari ûmwe nîwamundire rûvaru rwa Jesû na îtumû na vakiuma nthakame na manjî.

Johana 19:37

Na rîngî vandûrî vengî mandîko matheru nîmaugîte atî, “Andû nîmakaaroria mûndû ûrîa maamundire na îtumû.”

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 6:6

Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 22:20

Nake ûrîa wanagîrîra ndûmîrîri îno yonthe augaga atîrî, “Nî ma nîmbûka warîu!” Ameni. Ûka, Mwathani Jesû!

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.