Kûguû 1:3 - ÎVUKU RÎA ÛVORO MWARO

³ Kûrathimwa nî mûndû ûrîa ûthomaga îvuku rîîrî, na kûrathimwa nî arîa mathikagîrîria ciugo cia ûrathi ûyû, na makathîkîra ûrîa kwandîkîtwe îvukuurî rîîrî! Nîûndû kavinda karîa maûndû mama mageekîka karî vakuvî.

Kûguû 1:3 ပူးပေါင်းရင်းမြစ်များ

Nthi 8:34

Gûkena nî mûndû wa wonthe ûrîa ûnthikagîrîria, ûrîa wîkaraga kîvingorî gîakwa mûthenya wa mûthenya, ûrîa wetagîrîra mûromorî wa nyomba yakwa.

Jeremia 51:61

Nie Jeremia nînerire Seraia atîrî, “Rîrîa ûkaathiî Babuloni, ûkaathomera andû ndûmîrîri îno,

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

2Pet 3:8

Nwatî arata akwa ende, mûtikariganîrwe nî ûndû ûyû ûmwe! Varî Mwathani mûthenya ûmwe nî ta mîaka ngiri îmwe, na mîaka ngiri îmwe nî ta mûthenya ûmwe.

Kûguû 22:10

Nake Mûraika ûcio nîwambîrire atîrî, “Ndûkathithe andû ûrathi wa ndûmîrîri ya îvuku rîîrî, nîûndû kavinda karî vakuvî rîrîa maûndû mama monthe mageekîka.

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.

Kûguû 22:20

Nake ûrîa wanagîrîra ndûmîrîri îno yonthe augaga atîrî, “Nî ma nîmbûka warîu!” Ameni. Ûka, Mwathani Jesû!

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.