Kûguû 1:18 - ÎVUKU RÎA ÛVORO MWARO

¹⁸ Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 1:18 ပူးပေါင်းရင်းမြစ်များ

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Ayubu 38:17

Wanonua mûromo wa gîkuû, kana wona mîromo ya kwa arîa akuû?

Thaburi 18:46

Ngai-Mûnene nîatûûraga mwoyo! Arokumua mûgitîri wakwa! Ngai mûvonokia wakwa arogoocwa.

Thaburi 68:20

Ngai wetû nîke ûtûvonokagia; nîke Ngai-Mûnene, Mwathani wetû, ûrîa ûtûvonokagia kuuma gîkuûrî.

Isaia 22:22

Nîngaamûnengera cavi ya nyomba ya Daudi. Angîvingûra, gûtirî mûndû ûkaavinga; na angîvinga, gûtirî mûndû ûkaavingûra.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 16:19

Nie nîngaakûva cavi cia Ûthamaki wa Îgûrû, na kîrîa kîonthe ûgaakanania gûkû nthî, wana îgûrû nîgîgaakananua. Na kîrîa kîonthe ûgeetîkîra gûkû nthî, wana îgûrû nîgîgeetîkîrwa.”

Luka 24:5

Nao aka acio nîmaavavûkire na makînamia mothiû mao nthî. Nao arûme acio nîmaamerire atîrî, “Nîndûî kîratûma mûcarie mûndû ûrî mwoyo gatagatîrî ka arîa akuû?

Johana 11:25

Jesû nîwamwîrire atîrî, “Nie nînie kûriûka na nînie mwoyo. Mûndû wa wonthe ûmbîtîkîtie wana akua nîagaatûûra mwoyo;

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Aroma 6:9

Nîtwîcî atî Kristû nîwariûkirue na ndagaacoka gûkua rîngî na gîkuû gîtigacoka kûmwatha.

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Akol 3:3

Nîûndû nîmwakwire na rîu mwoyo wenyu ûthithîtwe vamwe na Kristû kûrî Ngai.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 7:16

Ke aatuirwe mûthînjîri-Ngai nîûndû wa vinya wa mwoyo wake ûrîa ûtathiraga, nwatî tî na njîra ya mawatho marîa mathondeketwe nî andû.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!

Kûguû 15:7

Nakîo kîûmbe kîmwe Kîam irîa inya îrî mwoyo nîkîanengere araika mûgwanja mbakûri mûgwanja cia thaavu ciîcûrîte marakara ma Ngai ûrîa ûtûûraga tene na tene.

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.

Kûguû 20:13

Îria nîrîanenganîre arîa maakuîrîrîte kuo. Gîkuû na îcua nacio nîcianenganîre akuû arîa ciarî nao. Na onthe nîmaatuîrîrwe ciira kûringana na ûrîa meekîte.

Kûguû 20:14

Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

Kûguû 4:9

Ciûmbe icio inya irî mwoyo nîcinaga nyîmbo cia kûvecana riiri, gîtîîo na ngatho kûrî ûrîa wîkarîrîte gîtî Kîam ûthamaki, na ûtûûraga tene na tene. Na rîrîa rîonthe igwîka ûguo,

Kûguû 5:14

Nacio ciûmbe inya irîa irî mwoyo nîciacokirie atîrî, “Ameni!” Nao athuuri nîmeegwîthirie nthî na makîgooca.

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.

Kûguû 9:1

Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.