Kîam 9:6 - ÎVUKU RÎA ÛVORO MWARO

⁶ Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

Kîam 9:6 ပူးပေါင်းရင်းမြစ်များ

Kîam 4:14

Nîwamîngata nyume gûkû nthî wana nyume kûrî we. Nie ndikaagîa na wîkaro. Nîndûûra nthiûrûrûkaga na mbûrûraga gûkû nthî. Mûndû wa wonthe ûkaamona nîakaambûraga.”

Kîam 42:22

Reubeni nîwamerire atîrî, “Na kinthî ndiamûkaanirie mûtigeke mwanake ûcio naaî na mûkîrega kwîgua? Kîu nîkîo kîratûma tûrîvue nthakame yake.”

Kîam 5:1

Ûyû nîguo mûtaratara wa rûciaro rwa Adamu. (Rîrîa Ngai aaûmbire andû, aamaûmbire mavana take.

2Sam 4:11

Kaî andû aganu, arîa maûragîte mûndû mûthingu amamîte nyomba gwake nî makethîrwa marî na thîna-î! Rîu nînîîrîvîrîria namue nîûndû wa kûmûûraga. Nînîmûraga muonthe mûthire!”

1Atha 2:9

Nwatî nwanginya ûmûverithie. Nwanginya ûtûmîre ûûgî na wone nama atî nîwaûragwa.”

2Atha 11:1

Rîrîa mûthamaki mûndûmûka Athalia, ng'ina wa Ahazia aamenyire atî mûvîcî nîwaûragwa, nîwathanire andû onthe a nyomba ya mûthamaki maûragwe.

2Atha 11:16

Kwoguo nîmaamûnyitire na makîmûtonyereria varîa vetagwa Kîvingo Kîam Mbarathi makîmûvira nyombarî ya mûthamaki na makîmûragîra kuo.

2Atha 11:20

Kwoguo andû onthe nîmecûrirwe nî gîkeno, narîo îtûûra rîkîvoorera nîûndû Athalia nîwaûragîrîtwe nyombarî ya mûthamaki.

2Maû 33:24

Ndungata cia Amoni nîciavangire ûrîa ikûmûraga na nîciamûragîre gwake nyomba.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Ntha 20:13

“Ndûkaûragane.

Nthi 28:17

Mûndû ûrîa ûraganîte atûûraga aûrûraga nginya rîrîa agaakua, mûndû ta ûcio ndagîrîrwe nî gûtethua.

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Alawi 24:17

“Mûndû wa wonthe ûkaaûragana nwanginya akaaûragwa,

Ndari 35:16

“Nwatî mûndû ûrîa ûkaaringa mûndû ûrîa wîngî na cuuma akue, mûndû ûcio nî mûragani na nwanginya wanake akaaûragwa.

Ndari 35:25

Andû nîmagaatethûra mûndû ûcio ûraganîte atakwenda kuuma kûrî mûndû ûrîa wîtanîtue na mûndû ûcio ûragîtwe. Andû nîmagaacokia mûndû ûcio ûraganîte atakwenda îtûûrarî rîa kwîthitha, kûrîa aarî mbere. Mûndû ûcio ageekara îtûûrarî rîu nginya rîrîa Mûthînjîri-Ngai mûnene ûrîa wathuurîtwe na njîra ya kûvakwa maguta mamûre agaakua.

Ndari 35:33

Mûtigacûkangie vûrûri ûrîa mûtûûraga na njîra ya kûragana, nîûndû nthakame ya mûndû aûragîtwe nîcûkagia vûrûri. Gûtirî njîra îngî ya kûtheria vûrûri kuumana na wîvia ûcio tiga kûraga mûndû ûcio ûraganîte.

Mathaayo 26:52

Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû.

Aroma 13:4

Nîûndû ke nî ndungata ya Ngai na arutaga wîra nîûndû wa wagîrîru waku. Nwatî ûngîka naaî, mwîtigîre nîûndû ke ethagîrwa arî na ûvoti wa kûverithia mûndû. Ke nî ndungata ya Ngai ya kûverithia arîa mekaga naaî.

1Akor 11:7

Mûndûmûrûme ndagîrîrwe nî gûkunîkîra kîongo gîake nîûndû nîwonanagia mûvianîre na riiri wa Ngai. Nwatî mûndûmûka onanagia riiri wa mûndûmûrûme.

Gûco 19:11

“Nwatî mûndû ûngîîthithîra nthû yake na amîringe îkînakua, mûndû ûcio ûraganîte acoke aûrîre îtûûrarî rîmwe rîa mau ma kwîthitha,

Gûco 5:17

“ ‘Ndûkaûragane.

Jakuvu 3:9

Nîtûrûvûthagîra tûgîcokia ngatho kûrî Mwathani na Vava wetû, na tûkarûvûthîra tûkîruma andû arîa engî maûmbîtwe na mûvianîre wa Ngai.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Atir 9:56

Ûguo nîguo Ngai aarîvirie Abimeleki waganu ûrîa eekîte îthe rîrîa aûragithirie aa mûrwang'ina acio mîrongo mûgwanja.

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.