Kîam 7:4 - ÎVUKU RÎA ÛVORO MWARO

⁴ Mîthenya mûgwanja kuuma rîu nîngurithia mbura gûkû nthî matukû mîrongo îna mûthenya na ûtukû. Ngeeka ûguo nîguo nthirie ciûmbe cionthe irîa naûmbire irî mwoyo.”

Kîam 7:4 ပူးပေါင်းရင်းမြစ်များ

Kîam 2:5

gûtiarî mûmera na gûtiarî mvîndî ciamerete nthî nîûndû Ngai-Mûnene, Ngai ndaarî murithiu mbura, na gûtiarî mûndû wa kûrîma.

Kîam 6:13

Ngai nîwerire Nuhu atîrî, “Nie nînduîte ciira atî nîngûthiria andû onthe. Nînîmathiria onthe nîûndû nthî îcûrîte mbaara nîûndû wao. Nînîmathiria vamwe na nthî yonthe.

Kîam 6:17

Nie nîngûtûma nthî yonthe îcûre manjî mathirie indo cionthe irîa itûûraga gûkû nthî.

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

Kîam 6:7

akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.”

Kîam 7:10

Na mîthenya mûgwanja yavîtûka, mbura ya kîvovoto nîyaurire.

Kîam 7:12

Nîkwaurire mbura nthî mîthenya mîrongo îna mûthenya na ûtukû.

Kîam 7:17

Manjî nîmecûrire nthî kavinda ka mîthenya mîrongo îna, manjî nîmengîvire na magîûkîrîria thabina îkîerera.

Kîam 7:3

Ûcoke ûtonyie iconi mûgwanja cia njamba na iconi mûgwanja cia nga. Nîwîka ûguo nîguo mbeû ya nyamû cionthe na iconi cionthe ndîkathire na igaaciarana rîngî gûkû nthî.

Kîam 8:10

Vuva wa mîthenya mûgwanja, Nuhu nîwatûmire îcîa rîu rîngî kuuma thabinarî.

Kîam 8:12

Nuhu nîweterere mîthenya îngî mûgwanja na agîtûma îcîa rîu rîngî. Narîo îcîa rîu rîtiacoka kûrî ke rîngî.

Kîam 8:2

Nacio ithima cia manjî marîa maarî rungu rwa nthî na ivingo cia manjî ma îgûrû nîciavingirwe, na mbura îgîtiga kuura.

Ayubu 22:16

Maavagîrîrue nî mwîcûro wa manjî, wana îvinda rîao rîtarî rîkinyu.

Ayubu 28:25

Rîrîa Ngai aaveere rûkûngi vinya wa ruo, na akîthima mîvaka ya maria;

Thaburi 69:28

Marîîtwa mao marorutwa îvukuurî rîa arîa marî mwoyo, matigataranîrue na andû arîa athingu.

Jeremia 28:16

Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.