Kîam 7:2 - ÎVUKU RÎA ÛVORO MWARO

² We nîûtonya thabinarî na nyamû irîa itarî mûgiro njamba mûgwanja na nga mûgwanja. Nacio nyamû irîa irî mûgiro ûtonyie njamba îmwe na nga îmwe.

Kîam 7:2 ပူးပေါင်းရင်းမြစ်များ

Kîam 7:3

Ûcoke ûtonyie iconi mûgwanja cia njamba na iconi mûgwanja cia nga. Nîwîka ûguo nîguo mbeû ya nyamû cionthe na iconi cionthe ndîkathire na igaaciarana rîngî gûkû nthî.

Kîam 7:8

Nuhu nîwatonyirie thabinarî nyamû cionthe na iconi, irîa ntheru na irîa irî mûgiro na tûnyamû tuonthe tûrîa tûtambaga gûkû nthî,

Kîam 8:20

Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Alawi 10:10

Nwanginya mwîkîre ngûrani gatagatî ga kîndû kîrîa Kîammûrîre Ngai na kîrîa gîtarî Kîammûrîre Ngai, kîndû kîrîa kîrî mûgiro na kîrîa gîtarî mûgiro.