Kîam 7:11 - ÎVUKU RÎA ÛVORO MWARO

¹¹ Mûthenya wa îkûmi na mûgwanja mweri wa kaîrî, Nuhu arî na ûkûrû wa mîaka magana matandatû (600) ithima cia manjî monthe marîa marî rungu rwa nthî nîciavingûkire. Wana cio ivingo cionthe cia manjî ma îgûrû, nîciavingûkire.

Kîam 7:11 ပူးပေါင်းရင်းမြစ်များ

Kîam 1:7

Nake Ngai nîwekîrire mwanya naguo ûkîamûrania manjî marîa maarî îgûrû rîaguo na marîa maarî rungu rwaguo. Na gûgîtuîka guo.

Kîam 6:17

Nie nîngûtûma nthî yonthe îcûre manjî mathirie indo cionthe irîa itûûraga gûkû nthî.

Kîam 7:6

Nuhu aarî na ûkûrû wa mîaka magana matandatû vîndî îrîa manjî meecûrire nthî.

Kîam 8:14

Na mûthenya wa mîrongo îîrî na mûgwanja mweri wa kaîrî, nthî yarî nyaru viû.

Kîam 8:2

Nacio ithima cia manjî marîa maarî rungu rwa nthî na ivingo cia manjî ma îgûrû nîciavingirwe, na mbura îgîtiga kuura.

2Atha 7:19

Ûndû ûcio nîguo mûnene wa athigari aareganire naguo rîrîa aaugire atîrî, “Ûguo gûtingîvoteka, wana kethîrwa nîkwa Ngai-Mûnene ke mwene angiurithia mbura kuuma îgûrû!” Nake Elisha nîwamwîrîte atîrî, “Ûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Ayubu 12:15

Angîgiria mbura yure kûgîcaga na thano nene, angîtîkîra mbura yure kûgîcaga na mwîcûro wa manjî.

Ayubu 28:4

Andû menjaga marima kûrîa gûtatûûragwa, kûraca mûno kûrîa andû matangîkinya; meyovagîrîra mîkanda ya kûmatonyia na kûmaruta ndarî.

Ayubu 38:16

“Wî mûkinyu îriarî kûrîa kûtherûkaga manjî? Kana ûkathiîra nthî ya îria kûrîa kûrikîru?

Ayubu 38:37

Nû wîna ûûgî wa kûmenya ûrîa matu megana? Na nû ûngîmenamania makauria mbura,

Thaburi 33:7

Aaûnganirie manjî monthe ma îriarî na akîmaiga vandû vamwe, aavingîre manjî monthe vamwe ta mûndû avingîrîte irio makûmbîrî.

Thaburi 74:15

We nîwatûmire kûgîe na ithima cia manjî na tûrûnjî, nîwatûmire nyûnjî irîa nene inyare.

Nthi 3:20

Ûmenyo wake nîwatûmire nyûnjî ciume nthî, na matu maurithie mbura.

Isaia 24:18

Mûndû ûrîa ûkaaûra nî înegene, akaagwa îrimarî rîu; nake ûrîa ûkaauma îrimarî, akaagwatwa nî mûtego. Nîûndû ndirica cia îgûrû nî mvingûre, nayo mîcingi ya nthî nîîrainaina.

Isaia 24:19

Nthî nî manangîku viû, nthî nî mbatûkangu, nthî nîrathingitha na vinya mûno.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Jeremia 51:16

Rîrîa aruta mûgambo, manjî marîa marî îgûrû nîmarurumaga; nîke ûtûmaga matu maume mîena yonthe ya nthî. Atûmaga kûgîe mveni vîndî ya mbura, na agatûma rûvuvo ruume makûmbîrî make.

Ezek 26:19

Ngai-Mûnene Ngai augîte atîrî, “Nîngatua îtûûra rîa Turo kûndû kwanangîku ta matûûra marîa matatûûragwa nî andû na nîrîkunîkîre na manjî marîa maumîte îriarî rîrîa rîrikîru.

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Mathaayo 24:38

Nîûndû vîndî îo mbere ya nthî îkunîkîrwa nî manjî, andû nîmaarîcaga na makanyua. Arûme nîmaavikanagia nao aka makavikua, nginya mûthenya ûrîa Noa aatonyire thavinarî.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

2Pet 3:6

Na nthî îrîa yarî kuo vîndî ya tene yacûkangirue na mwîcûro wa manjî.