Kîam 6:2 - ÎVUKU RÎA ÛVORO MWARO

² ciûmbe cia îgûrû nîcionire erîtu acio a andû marî athaka mûno. Ciûmbe icio nîciethuurîre erîtu amwe matuîke aka ao.

Kîam 6:2 ပူးပေါင်းရင်းမြစ်များ

Kîam 12:11

Na arî vakuvî gûtonya vûrûri wa Misiri, Aburamu nîwerire mûka Sarai atîrî, “Nîmbicî we ûrî mûndûmûka mûthaka.

Kîam 24:3

Nîrenda wîvîte na rîîtwa rîa Ngai-Mûnene, Ngai wa îgûrû na nthî uuge, atî ndûgaacarîria mûvîcîwa mûndûmûka kuuma kûrî aarî a Kanaani arîa ndûûranagia nao.

Kîam 26:35

Aka a acio nîmaanyamaririe Isaka na Rebeka mûno.

Kîam 27:46

Rebeka nîwerire Isaka atîrî, “Nîrîmûnogu nî gûtûûrania na aka aya a Esaû. O nî a mûvîrîga wa Ahiti, na Jakovu wanake angîvikia mûndûmûka Mûhiti ta aya, nwa ngue.”

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

Kîam 4:26

Sethi nîwagîre na kamwana na agîgeta Enoshi. Vîndî îo nîrîo andû maambîrîrie kûgwetaga rîîtwa Ngai-Mûnene makîgooca.

Kîam 6:1

Rîrîa andû maambîrîrie kwîngîva nthî, na magîciara erîtu,

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Ayubu 1:6

Mûthenya ûmwe araika a Ngai nîmaathiîre gûcemania mbere ya Ngai-Mûnene na Caitani nîwaûkire agîkara varîa maarî.

Ayubu 31:1

Nie mwene nînîvîtîte atî, ndikaroria mwîrîtu nîmwîrirîria.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

1Akor 7:39

Mûndûmûka ûrîa mûviku ethagîrwa ovanîtue na mûthuuriwe vîndî yonthe îrîa mûthuuriwe arî mwoyo. Nwatî mûthuuriwe angîkua, nîwîtîkîrîtue kûvikua nî mûndûmûrûme wîngî wa wonthe ûrîa angîenda, nwatî mûndû ûcio nwa nginya ethîrwe arî Mûkristiano.

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

1Joh 2:16

Indo cionthe cia nthî ta, merirîria macûku ma mwîrî, merirîria ma indo njûku irîa twonaga, wana kana mwîtîîo nîûndû wa indo cia gûkû nthî matiîthagîrwa maumîte kûrî îthe wetû, nî ma nthî.