Kîam 48:7 - ÎVUKU RÎA ÛVORO MWARO

⁷ Nîreka ûguo nîûndû vîndî îrîa naacokaga nyumîte Padani (Mesopotamia), Rakeli nîwakuîrîre vûrûrirî wa Kanaani vakuvî na Efiratha, na nîkîo nîrî na kîeva kîngî ûguo. Nînaamûthikire mûkîrarî wa njîra ya kûthiî Efiratha (na nîyo Bethilehemu.)”

Kîam 48:7 ပူးပေါင်းရင်းမြစ်များ

Kîam 25:20

Isaka aarî na ûkûrû wa mîaka mîrongo îna rîrîa aavikirie Rebeka mwarî wa Bethueli. (Mûaramea wa kuuma Mesopotamia) Rebeka aarî mwarwang'ina wa Labani.

Kîam 33:18

Jakovu nîwakinyire îtûûrarî rîa Shekemu vûrûrirî wa Kanaani aumîte Padani-aramu arî na thayû. Nîwacokire akîamba îgema rîake vakuvî na îtûûra rîu.

Kîam 35:20

Nake Jakovu nîwavandire îthiga rîa kîririkano îgûrû rîa mbîrîra yake, na nginya ûmûnthî, îthiga rîu rîtwîre rîonanagia mbîrîra ya Rakeli.

Kîam 35:9

Rîrîa Jakovu aaumire Padani-aramu (Mesopotamia), Ngai nîwamumîrîre rîngî na akîmûrathima.

Kîam 48:6

Nwatî ethîrwa nîûkaagîa na ciana ciîngî vuva wa Efiraimu na Manase, matigaatuîka akwa. Makaagîa na îgai rîao na njîra ya Efiraimu na Manase.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mathaayo 2:18

“Andû nîmegwire mûgambo wa mûndû warîraga arî îtûûrarî rîa Rama. Nî Rakeli warîragîra ciana ciake; ke ndeendaga mûndû wana ûrîkû amûmîrîria nîûndû ciana ciake ciarî nguû.”

Ruthu 1:2

Mûndû ûcio etagwa Elimeleku na mûka etagwa Naomi. Nao avîcî ake aîrî metagwa Mahaloni na Kilioni na maarî a mûvîrîga wa Efiratha kuuma îtûûra rîa Bethilehemu vûrûrirî wa Juda. Nîmaathiîre vûrûrirî wa Moabu na magîtûûra kûu.

1Sam 1:1

Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.

1Sam 10:2

Ûmûnthî twatigana, nîûgûtûngana na arûme aîrî vakuvî na mbîrîra ya Rakeli kûu Zeliza vûrûrirî wa Benjamini. O nîmagûkwîra atî, mvunda irîa mwathiîre gûcaria rîu nîmoneku, na rîu îthe wenyu nîmûtigu kûmaka nîûndû wacio, nwatî rîu aratangîka nîûndû waku. Ke arekara akîûragia atîrî, ‘Nie nîmbîka atîa nîûndû wa mûriû wakwa.’

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 17:12

Daudi aarî mwanake wa Jesii. Nake Jesii aarî Mûefiratha wa kuuma Bethilehemu kûu Juda. Jesii aarî na anake anana na rîrîa Saûlo aarî mûthamaki Jesii nîwatûûrîte mîaka mîîngî na agatuîka mûthuuri mûkûrû mûno.