Kîam 48:5 - ÎVUKU RÎA ÛVORO MWARO

⁵ “Rîu avîcî aku aîrî Efiraimu na Manase, arîa wagîre nao ûrî vûrûrirî wa Misiri mbere ya mbûka nî akwa. Nîmataragwe marî akwa wata ûrîa Reubeni na Simeoni marî akwa.

Kîam 48:5 ပူးပေါင်းရင်းမြစ်များ

Kîam 46:20

Josefu arî Misiri, nîwagîre na avîcî aîrî; Manase na Efiraimu. Josefu maaciarîte ciana ino marî na Asenathi mwarî wa Potifera mûthînjîri-ngai wa Oni.

Kîam 48:1

Josefu ekaranga, nîwerirwe atî îthe nî mûrwaru. Kwoguo nîwocire avîcî ake aîrî Manase na Efiraimu na akîthiî kwona Jakovu.

Kîam 48:6

Nwatî ethîrwa nîûkaagîa na ciana ciîngî vuva wa Efiraimu na Manase, matigaatuîka akwa. Makaagîa na îgai rîao na njîra ya Efiraimu na Manase.

Thaburi 77:16

Rîrîa manjî maakwonire we Ngai, nîmegwire guoya, na îriarî kûrîa kûriku mûno gûkinaina.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Ezek 47:13

Ngai-Mûnene Ngai nîwambîrire atîrî, “Îno nîyo mîvaka ya vûrûri ûrîa ûkaagaîrwa mîvîrîga îrîa îkûmi na îîrî (12) ya Isiraeli na mûvîrîga wa Josefu ûkaagaîrwa icunjî igîrî.

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

Ndari 1:10

Kuuma kûrî njiarwa cia Josefu, mûgaatethagîrîrua nî Elishama mûvîcî wa Amihudi wa kuuma mûvîrîgarî wa Efiraimu; Gamalieli mûvîcî wa Pedasuri wa kuuma mûvîrîgarî wa Manase;

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Aefeso 1:5

Ngai nîwatuîte wa mbere atî nîagaatûtua ciana ciake na njîra ya Jesû Kristû. Ûcio nîguo warî mworoto wa wendi wake.

Ahib 11:21

Nî wîtîkio watûmire Jakovu atanakua arathima avîcî a Josefu. Ke nîwarûngamire etirîte na mûragi wake na akîgooca Ngai.

Josh 13:7

Mîvîrîga îrîa îngî kenda na nuthu ya mûvîrîga wa Manase mîgaîre vûrûri ûyû nîguo ûtuîke wao.”

Josh 14:4

Njiarwa cia Josefu nîciagaanirue igîtuîka mîvîrîga îrî: Mûvîrîga wa Manase na mûvîrîga wa Efiraimu. Mûvîrîga wa Lawi ndwagaîrwa vûrûri ûtuîka wao. Vandû va ûguo Musa nîwamavere matûûra nîguo matûûrage kuo na kûndû gwa kûrîthagua nîûndû wa ndîthia yao.