Kîam 48:4 - ÎVUKU RÎA ÛVORO MWARO

⁴ Aambîrire atîrî, ‘Nîngaakûva ciana nyîngî, na njiarwa ciaku nîigaatuîka ndûrîrî nyîngî. Vûrûri ûyû nîngaûva njiarwa ciaku ûtuîke wao tene na tene.’

Kîam 48:4 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 17:13

Tûvîcî tuonthe tûkarwithagua rûrî rûûri rwa kwonania atî kîrîkanîro gîakwa nawe nî gîa tene na tene.

Kîam 17:6

Nîngaakûva njiarwa nyîngî, na amwe a njiarwa icio nîmagaatuîka athamaki.

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 28:3

Ngai mwene vinya wonthe arokûrathima na akûve njiarwa nyîngî, nîguo ûgaatuîka îthe wa ndûrîrî nyîngî.

Kîam 32:12

Nwatî we nîwambîrire atî nîûkaanthondekera maûndû makwa monthe, na atî nîûkaamva njiarwa nyîngî itangîtarîka ta mûthanga ûrîa ûrî rûtere rwa îria.”

Kîam 35:11

Ngai nîwacokire akîmwîra atîrî, “Nînie Ngai mwene vinya wonthe. Ûrogîa na ciana nyîngî. Ndûrîrî nyîngî nîikauma kûrî njiarwa ciaku, na nîûgatuîka îthe wa athamaki.

Kîam 46:3

Nake Ngai nîwamwîrire atîrî, “Nînie Ngai wa aguo. Kwoguo ndûgetigîre kûthiî Misiri. Nîngaatûma njiarwa ciaku ituîke rûrîrî rûnene.

Kîam 47:27

Andû a Isiraeli nîmaatûûrire Gosheni vûrûrirî wa Misiri. Nîmaagîrire indo nyîngî kuo na nîmaaciaranire na makîngîva mûno.

Thaburi 127:3

Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 1:7

Nwatî njiarwa ciao, nîciaciaranire nao Aisiraeli magîtuîka eengî na makîgîa na vinya magîcûra vûrûrirî wa Misiri.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Alawi 26:9

Nîngaamûrathima na ndûme mwongerereke na nîngaavingia kîrîkanîro kîrîa naarûthire namue.

Gûco 32:8

Rîrîa Ngai ûrîa Ûrî Îgûrû Mûno aagaîre mavûrûri îgai rîao, rîrîa agaanagia andû nîwavere mavûrûri kûndû gwa gûtûûra, wa vûrûri kûringana na mûraika wa guo.