Kîam 47:9 - ÎVUKU RÎA ÛVORO MWARO

⁹ Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

Kîam 47:9 ပူးပေါင်းရင်းမြစ်များ

Kîam 11:11

Vuva wa kûgîa na Aripakishadi nîwatûûrire mîaka îngî magana matano (150) na akîgîa na ciana ciîngî cia anake na erîtu.

Kîam 35:28

Isaka aatûûrire mîaka îgana rîmwe rîa mîrongo înana,

Kîam 47:28

Jakovu aatûûrire vûrûri wa Misiri mîaka îkûmi na mûgwanja. Kwoguo Jakovu aatûûrire mwoyo mîaka îgana rîmwe rîa mîrongo îna na mûgwanja (147).

Kîam 47:8

Mûthamaki wa Misiri nîwaûririe Jakovu atîrî, “Ûrî na ûkûrû wa mîaka îîgana?”

Kîam 5:27

Nîwacokire akîgîa ciana ciîngî na agîkua arî na ûkûrû wa mîaka magana kenda ma mîrongo îtandatû na kenda (969).

Kîam 50:26

Kwoguo Josefu nîwakuuire arî Misiri arî na ûkûrû wa mîaka îgana rîa îkûmi (110). Nîmaaûmithirie mwîrî wake na magîwîkîra îthandûkûrî rîa kûûthika.

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Thaburi 119:19

Nie nîrî mûgeni gûkû nthî; ndûkanthithe maathani maku.

Thaburi 119:54

Ndwîre minaga watho waku nîrî mûgeni gûkû nthî.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Thaburi 39:13

Tiga kûrakara nînie nîguo ngîe na gîkeno kînini, mbere ya ngua na ndiganîre viû.

Thaburi 39:5

Nîmbicî atî, ûtûûro wakwa nî mûkuvî mûno! Ûtûûro wakwa tî ta kîndû mbere yaku. Nama, mûndû wa wonthe nî ta mîvevû.

Ntha 6:4

Wana nînarûthire kîrîkanîro nao ngiuga nîngaamava vûrûri wa Kanaani, vûrûri ûrîa maatûûraga ta ageni.

Ntha 7:7

Kavinda kau maaragia na mûthamaki wa Misiri Musa aarî na mîaka mîrongo înana nake Aroni aarî na mîaka mîrongo înana na îthatû.

2Akor 5:6

Kwoguo vîndî cionthe twîthagîrwa tûrî na ûmîrîru. Tue nîtwîcî atî vîndî îrîa tûrî mwoyo gûkû nthî tûrî na mwîrî, twîthagîrwa tûrî kûraca na Mwathani.

Gûco 34:7

Musa aakwire arî na ûkûrû wa mîaka îgana rîmwe rîa mîrongo îîrî (120); arî na vinya wa mwîrî, na atarî mûru metho.

Ahib 13:14

Nîûndû gûkû nthî tûtirî na îtûûra înene rîa gûtûûra tene na tene, nîgûcaria tûcaragia îtûûra înene rîrîa rîgaaûka.

Jakuvu 4:14

Nwatî mûtiîcî ûrîa gûgaatuîka rûyû. Mwoyo wenyu wîkariî ta nundu. Mwavota kûmîona gwa kavinda kanini, nwatî îgacoka îkathiî.

Josh 24:29

Vuva wa maûndû mau ndungata ya Ngai-Mûnene Joshua mûvîcî wa Nuni nîwakwire. Aakwire arî na ûkûrû wa mîaka îgana rîmwe na îkûmi (110).

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.