Kîam 41:6 - ÎVUKU RÎA ÛVORO MWARO

⁶ Nacio igira ciîngî mûgwanja njeke na nyûmagaru nîûndû wa rûkûngi rwa werûrî nîciamerire.

Kîam 41:6 ပူးပေါင်းရင်းမြစ်များ

Kîam 41:23

Nînacokire ngîona igira ciîngî mûgwanja cia ngano ikiuma vuva wa icio. Nacio ciarî njeke na irî njûku nîûndû wa kûvîvua nî rûkûngi rwa werû.

Kîam 41:5

Nîwamamire rîngî na akîrota rîngî. Nîwonire igira mûgwanja cia ngano mbaro na ngûrû irî kamûtîrî kamwe ka ngano.

Kîam 41:7

Nacio igira icio mûgwanja ng'înju nîciameririe igira irîa ciarî mbaro na ciecûrîtie ngano. Mûthamaki nîwaramûkire na akîmenya atî nîkwa aarotaga.

Ezek 17:10

Mûtî ûcio nîmûvande, nwatî nîûgaakûra? Rîrîa rûkûngi rûrîa rumaga na mwena wa îrathîro rûkaavurutana na rûwîthîrîrie, kinthî tî kûma ûkaaûma? Ûkaaûma ûrî wa vau ûvandîtwe.”

Ezek 19:12

Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Jona 4:8

Riûa rîarîkia kûratha, Ngai nîwatûmire rûkûngi rûviû kuuma mwena wa îrathîro, na Jona nîwavîvirue kîongo mûno nî ûrugarî wa riûa nginya akîenda kûgirîka. Kwoguo nîwerirîrie gûkua na nîwaugire atîrî, “Nîkava ngue gûkîra ndûûre mwoyo.”