Kîam 41:54 - ÎVUKU RÎA ÛVORO MWARO

⁵⁴ Nayo mîaka mûgwanja ya yûra nîyambîrîrie wata ûrîa Josefu aaugîte. Nîkwagîre na yûra mavûrûrirî monthe, nwatî Misiri kuonthe kwarî na irio.

Kîam 41:54 ပူးပေါင်းရင်းမြစ်များ

Kîam 41:27

Ng'ombe icio mûgwanja ng'înju na njûku irîa iraumîte rûnjîrî irûmîrîrîte icio ciîngî, na igira icio mûgwanja njeke na mvîvie nî rûkûngi rwa werû, nî mîaka mûgwanja ya yûra.

Kîam 41:30

Nwatî vuva wa ûguo nîgûkethîrwa na mîaka îngî mûgwanja ya yûra. Narîo yûra rîu nîrîkaaneneva mûno vûrûrirî wonthe wa Misiri na andû mariganîrwe nî maketha marîa methîrîtwe namo.

Kîam 41:53

Mîaka mûgwanja ya maketha vûrûrirî wa Misiri nîyathirire.

Kîam 42:2

Nîregua atî Misiri kûrî na irio; ûkîrani mûthiî kuo mûkagûre irio nîguo tûtigakue nî yûra.”

Kîam 43:1

Yûra nîrîanenevire mûno vûrûrirî wa Kanaani.

Kîam 45:11

Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”

Kîam 47:13

Narîo yûra nîrîanenevire, na kûndû kuonthe gûgîtura irio. Andû a vûrûri wa Misiri na wa Kanaani nîwanyamarîkire nîûndû wa yûra rîu.

2Atha 8:1

Elisha nîwerîte mûndûmûka ûrîa watûûraga Shunemu, ûrîa aariûkîtie mûvîcî atîrî, “Ûkîra mûrî na andû a nyomba yaku na mûthiî kûndû kwîngî, nîûndû Ngai-Mûnene nîagûtûma kûgîe na yûra vûrûrirî îvinda rîa mîaka mûgwanja.”

Thaburi 105:16

Ngai-Mûnene nîwatûmire kûgîe na yûra vûrûrirî wao, na agîcûkangia irio ciao cionthe.

Ciîko 7:11

Nîgwacokire gûkîgîa na yûra na andû makîthînîka mûno vûrûrirî wonthe wa Misiri na Kanaani namo methe metû ma tene magîtura irio.