Kîam 4:7 - ÎVUKU RÎA ÛVORO MWARO

⁷ Ethîrwa nîûrekîte ûndû mwaro, ûngîrî mûkenu; nwatî nîûndû wîkîte ûndû mûcûku, mevia marî mûrangorî makîenda gûkwatha, nwatî nwanginya ûmatorie.”

Kîam 4:7 ပူးပေါင်းရင်းမြစ်များ

Kîam 19:21

Mûraika nîwacokerie Loti atîrî, “Îka guo nînetîkîra. Tînjûkangia gatûûra kau.

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

2Sam 24:23

Arauna nîwavere mûthamaki indo icio cionthe na agîcoka akîmwîra atîrî, “Ngai-Mûnene, Ngai waku aroetîkîra îgongoona rîaku.”

2Atha 8:28

Mûthamaki Ahazia nîmaaûnganire na mûthamaki Joramu na makîthiî kûrûa na mûthamaki Hazaeli wa Sîria. Mbaara îo yarûîrwe Ramothu kûu Gileadi, na Joramu nîwativirue nî andû a Sîria.

Ayubu 11:14

Ethîrwa ûrî na mevia mate kûraca, ndûgetîkîre maûndû matarî ma kîvooto gwaku nyomba.

Ayubu 11:15

Weka ûguo ûkeyumagîria kûrî andû ûtagwîcuka, na ûkegucaga ûrî mûgitîre na ûtarî na guoya.

Ayubu 29:4

Vîndî îo nîneganîrîte ûtûûrorî, na Ngai aarî mûrata wa mûciî wakwa.

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Nthi 18:5

Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Jeremia 3:12

Thiî wanîrîre ndûmîrîri îno kûrî andû a rûgûrû, na ûmeere atî: Njokererani mue andû a Isiraeli mûtarî evokeku; ûguo nîguo Ngai-Mûnene arauga. Nie tînîmûroria nîrî na marakara, nîûndû nîrî ntha; tîndûûra ndakarîte nîwe. Ûguo nîguo Ngai-Mûnene arauga.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 1:8

Rîrîa mwaruta nyamû îno ndumumu, kana kîthua, kana îno ndwaru rîrî îgongoona, ûguo tî naaî? Ûngîva mûnene waku nyamû ta îo kîrî kîveo, nwa akene?”

Ndari 32:23

Nwatî mwarega kûvingia ciîranîro cienyu, nîramwîra nama atî mûkeethîrwa mwîvîtie mbere ya Ngai-Mûnene, na nîmûkaaverithua nîûndû wa wîvia wenyu.

Ciîko 10:35

Andû arîa magoocaga Ngai na mekaga ûrîa kwagîrîrîte, nîmetîkagîrwa nîke wana ethîrwa nî a rûrîrî rûrîkû.

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aroma 6:12

Kwoguo mûtikanareke mevia mathamakage mîrirî yenyu îo îkuucaga atî nîguo mwathîkagîre merirîria mayo.

Aroma 6:16

Mue nîmwîcî nama atî vîndî îrîa mwevecana kûrî mûndû ta ngombo nîguo mûmwathîkagîre, na ma mûrî ngombo cia ûcio mwathîkagîra. Nwa kwîthîrwe mûrî ngombo cia mevia marîa maretaga gîkuû, kana wathîki ûrîa ûtûmaga mûndû atuwe mûthingu.

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

1Tim 5:4

Nwatî ethîrwa mûndûmûka wa ndigwa arî na ciana kana aa ûcûwe, mbere nîmagîrîrwe nî kûmenya ûrîa magîrîrwe nî gûtethia mûciî wao ta ûrîa mûkristiano agîrîrwe nî gwîka. Na njîra ta îno makaarîvaga aciari ao, nîûndû ûndû ûcio nîguo ûkenagia Ngai.

Ahib 11:4

Wîtîkio nîguo watûmire Abili ategera Ngai îgongoona rîaro gûkîra rîrîa Kaini aategire. Nîûndû wa gwîtîkia Ngai Abili nîwatuirwe mûthingu, nîûndû Ngai nîwetîkîrire maruta make. Na njîra ya wîtîkio Abili nwa waragia wana ethîrwa nî wakuire.

Jakuvu 1:15

Merirîria mau macûku nîmagîcaga îvu na magaciara mevia, namo mevia mau makûra maciaraga gîkuû.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.