Kîam 39:2 - ÎVUKU RÎA ÛVORO MWARO

² Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:2 ပူးပေါင်းရင်းမြစ်များ

Kîam 21:20

Nako kamwana kau nîgaakûrire gakîmenyagîrîrwa nî Ngai-Mûnene. Nîgaatûûrire werûrî wa Parani na gagîtuîka mûguîmi njamba.

Kîam 21:22

Vîndî wa îo Abimeleki na Fikoli mûnene wa athigari nîmaathiîre kûrî Iburahimu na makîmwîra atîrî, “Ngai ethagîrwa arî vamwe nawe maûndûrî monthe marîa wîkaga.

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

Kîam 26:28

Nao nîmaamûcokerie atîrî, “Rîu tue nîtûmenyete nama atî Ngai-Mûnene arî vamwe nawe, na nîtûrona kwagîrîte tûthondeke mwîvîtwa gatagatîrî getû nawe na tûthondeke kîrîkanîro nawe. Twîrîre

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Kîam 39:23

Mûrûngamîrîri wa njera ndaatindanagîra na ûndû wana ûrîkû wa marîa meethagîrwa makîmenyererwa nî Josefu, nîûndû Ngai-Mûnene aarî vamwe na Josefu. Ûndû wa wonthe ûrîa Josefu eekaga Ngai-Mûnene nîwatûmaga ûmûthatûke.

Kîam 39:3

Mwathi wake nîwonire atî Ngai-Mûnene aarî vamwe na Josefu na nîwatûmaga athatûkwe maûndûrî monthe marîa eekaga.

2Atha 18:7

Kwoguo Ngai-Mûnene nîwamûtethagia, na maûndû monthe marîa eekaga nîmaavucaga. Nîwakararirie mûthamaki wa Asîria na akîrega kûmwathîkîra.

1Maû 9:20

Mbererî Finehasi mûvîcî wa Eleazaru nîke warî mûnene wa arangîri a ivingo. Nake Ngai-Mûnene nîwamûtethagia.

2Maû 1:1

Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Jeremia 15:20

Kûrî andû aya nîngagûtua rûthingo rwa vinya rwa gîcango; nîmakaarûa nawe nwatî matigaakûvota, nîûndû nîrî vamwe nawe ngûvonokie na ngûkûûre.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Ciîko 8:31

Nake mûndû ûcio nîwacokerie Filipu atîrî, “Nîngîvota gûtaûkîrwa atîa ndatarîrîtue nî mûndû? Nake nîwathaithire Filipu atwe ndaarî mekaranîre nake.

1Tim 6:1

Ngombo cionthe nwanginya ivecage anene acio gîtîîo kîrîa kîmagîrîrîte nîguo gûtikagîe mûndû ûkwaria ûndû mûcûku wîgiî rîîtwa rîa Ngai na maûndû marîa tûthomithagia.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 18:28

Rîrîa Saûlo aamenyire waro atî Ngai-Mûnene aarî vamwe na Daudi na atî andû onthe a Isiraeli nîmaamwendete,

1Sam 3:19

Nake Samueli nîwakûrire arî ûrûmwe na Ngai-Mûnene; nake Ngai-Mûnene agîtûma maûndû monthe marîa Samueli aarîtie mavinge.