Kîam 3:18 - ÎVUKU RÎA ÛVORO MWARO

¹⁸ Nthî îkaameraga ria na mîgua nîûndû waku. Nawe ûkaarîcaga mîmera ya nthî.

Kîam 3:18 ပူးပေါင်းရင်းမြစ်များ

Kîam 3:17

Nake Ngai-Mûnene, Ngai nîwerire Adamu atîrî, “Nîûndû wa kûthikîrîria mûkaguo, na warîa matunda ma mûtî ûrîa nagûkaanirie ndûkarîe, nthî nîîkûnyitwa nî kîrumi nîûndû waku. We ûkonaga irio cia kûrîa kuuma nthî na njîra ya mînoga.

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Ayubu 31:40

mîgûnda îo îrokûra mîgua vandû va ngano, na îmere ria vandû va cairi. Ciugo cia Ayubu nîciathira.

Ayubu 5:5

Andû arîa avûtu marîcaga maketha ma kîrimû, marîcaga nginya marîa marî mîguarî, arîa akoroku megucagîra ûtonga wake wîru.

Thaburi 104:2

wîkunîkîrîte na ûtheri ta nguo, ûtambûrûkîtie îgûrû ta îgema,

Thaburi 90:3

Wîraga andû atîrî, “Cokani mûtheturî!” Nake mûndû nîacokaga mûtheturî kûrîa aaumire.

Nthi 22:5

Njîra ya arîa aremi îrî mîgua na mîtego, mûndû ûrîa wîmenyagîrîra nîamîîthemaga.

Nthi 24:31

Na ngîmaka nona ûramerete mîgua kûndû kuonthe, na ûkamera îria kuonthe, rûthingo rwaguo rwarî rwomomoku.

Isaia 32:13

nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 7:23

“Vîndî îo, mîgûnda yonthe ya mîthavibu, îrîa wa mûgûnda warî na mîthavibu ngiri îmwe ya mwîgana wa sîlûva ngiri îmwe (1,000) kûringana na kîthimi Kîam hekarû, gûgaakûra nthaugû na mîgua.

Isaia 7:24

Andû nîmakaathiî kuo kûguîma marî na mota na mîguî, nîûndû vûrûri wonthe ûkethîrwa wîcûrîte nthaugû na mîgua.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 4:3

Ngai-Mûnene arera andû a Juda na atûûri a Jerusalemu atîrî, “Rîmani ngamba cienyu na mûtikavande mbegû mîguarî.

Mathaayo 13:7

Nacio ciîngî nîciagwîre mûtheturî ûrîa warî na ria rîa mîgua. Nayo mîgua îo yakûra nîyaithararirie ikîrega gûkûra.

Aroma 14:2

Mûndû ûmwe etîkîtie atî nwa arîe irio cia mîthemba yonthe. Nwatî mûndû wîngî ûtarî na vinya wîtîkiorî wake arîcaga manyenyi tu.

Ahib 6:8

Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.

Josh 23:13

Mweka ûguo, menyani na ma atî Ngai-Mûnene, Ngai wetû ndakeengata ndûrîrî icio ciûre rîrîa mûkaaitharîkîra. Nwatî nîigaatuîka kîndû gîcûku gîa kûmûgucagîrîria mûtonye mûtegorî kana mûgwe îrimarî. Nîigaatuîka ta kîvoko gîa kûmûriva kana ta mîgua îrî methorî menyu nginya rîrîa muonthe mûkaathira vûrûrirî ûyû mwaro Ngai amûveete.