Kîam 3:14 - ÎVUKU RÎA ÛVORO MWARO

¹⁴ Ngai-Mûnene, Ngai nîwerire njoka atîrî, “Nîûndû wa ûguo wîkîte, gatagatîrî ka nyamû cionthe, we nîûkûnyitwa nî kîrumi. Kuuma rîu we nîûtûûra ûthiîcaga ûkurumîte na ûkaarîcaga mûthetu mîthenya yonthe ya ûtûûro waku.

Kîam 3:14 ပူးပေါင်းရင်းမြစ်များ

Kîam 3:1

Njoka yarî na wara gûkîra nyamû irîa ciîngî cionthe cia kîthaka irîa Ngai-Mûnene, Ngai aaûmbîte. Njoka nîyaûririe Mûndûmûka atîrî, “Nîkwa Ngai aamwîrire mûtikaarîe matunda ma mûtî wana ûrîkû mûgûndarî ûyû?”

Kîam 4:11

We nîwanyitwa nî kîrumi na ndûkaarîma mûtheturî ûrîa wathamirie na wanyua nthakame ya mûrwanyûkwe ûrîa we ûragire.

Kîam 9:6

Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

Thaburi 72:9

Nthû ciake irîa itûûraga werûrî nîikenamîrîra mbere yake; nthû ciake nîikaîgwîthia nthî rûkûngûrî.

Isaia 29:4

Nîûgaatungumanua nthî kûndû kûraca; nîûkaaruta mûgambo kuuma rungu rwa mûthetu, nîûkaarutaga mûgambo ûrî rungu rwa mûthetu, mûgambo waku ûkaaumaga na kûu mûtheturî wîkariî ta mûgambo wa ngoma, na mûgambo waku ûkeguîkaga ûkîaria na kîvwe kuuma mûtheturî.

Isaia 65:25

Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”

Alawi 20:25

Kwoguo nwanginya mwîkagîre ngûrani gatagatî ka nyamû irîa itarî mûgiro na irîa irî mûgiro, na gatagatî ka iconi irîa itarî mûgiro na irîa irî mûgiro. Mûtikegwatie mûgiro na njîra ya kûrîa nyamû kana iconi irîa mbugîte atî irî mûgiro.

Mika 7:17

Nîmakaathiî makurumîte ta nyamû ya nthî rûkûngûrî, kana ta ciûmbe irîa ikurumaga. Nîmakaauma kûrîa kûgitîre makinainaga nî gwîtigîra, na nîmagetigîra Ngai-Mûnene, Ngai wetû na manyitwe nî guoya nîûndû wa maûndû mau.