Kîam 26:31 - ÎVUKU RÎA ÛVORO MWARO

³¹ Mûthenya ûcio wîngî nîmaaramûkire karaûko tene makîrûtha kîrîkanîro na makîîvîtanîra. Isaka nîwacokire akîmaugîra ûvoro magîtigana na thayû.

Kîam 26:31 ပူးပေါင်းရင်းမြစ်များ

Ahib 6:16

Andû matûmagîra rîîtwa rîa mûndû ûrîa mûnene kûmakîra rîrîa makwîvîta, naguo mwîvîto ûcio nîûthiragia ngarari cionthe.

1Sam 30:15

Daudi nîwamûririe atîrî, “Nîûkûmvira kûrî gîkundi kîu?” Nake Mûmisiri nîwacokirie atîrî, “nîngûmûvira ethîrwa nîkûmbîrîra na rîîtwa rîa Ngai atî ndûkûmbûraga kana ûnenganîra kûrî mwathi wakwa.”

Kîam 31:44

Tiga tûrûthe kîrîkanîro nawe. Nîtûmbe mathiga vamwe”

Kîam 25:33

Jakovu nîwamûcokerie atîrî, “Amba wîvîte atî nîûkûmenderia ûrikithathi waku.” Esaû nîwevîtire, na akîenderia Jakovu ûrikithathi wake.

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.

Kîam 31:55

Mûthenya ûcio wîngî kîraûko, Labani nîwamumunyire aa ûcûwe wa vamwe na erîtu ake na akîmarathima. Nîwacokire akîmatiga akînûka.

Kîam 22:3

Mûthenya ûcio warûmîrîrîte kîraûko tene Iburahimu nîwaunire ngû cia kûvîvia îgongoona, na agîcigîrîra îgûrû rîa mvunda yake. Nîwocire Isaka na ndungata ciake igîrî na akîthiî kûrîa Ngai aamwîrîte.

Kîam 21:23

Kwoguo îîvîte ûrî ava mbere ya Ngai atî ndûkaamveenia, kana ûveenie ciana ciakwa kana njiarwa ciakwa. Mbîthîrîtwe nîrî mwîvokeku kûrî we, kwoguo mbîra atî wanawe ûkethagîrwa ûrî mwîvokeku kûrî nie na kûrî vûrûri ûyû wathamîre.”

Kîam 21:14

Mûthenya ûcio warûmîrîrîte kîraûko tene mûno, Iburahimu nîwavere Hagari irio, na mbooro îcûrîte manjî. Nîwacokire agîkuithia Hagari mwana na akîmwîngata. Hagari nîwathiîre akîûrûraga werûrî wa Beerisheba.

Kîam 19:2

na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 14:22

Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî

Kîam 21:27

Iburahimu nîwavirîre Abimeleki ng'ondu na ng'ombe, na marî oîrî, nîmaarûthire kîrîkanîro.

Kîam 26:32

Mûthenya wa ûcio ndungata cia Isaka nîciaûkire na ikîmwîra ûvoro wîgiî kîthima kîrîa meenjîte. Nîmaamwîrire atîrî, “Nîtwona manjî.”