Kîam 26:3 - ÎVUKU RÎA ÛVORO MWARO

³ Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 26:3 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 13:17

Rîu ûkîra ûthiî ûkarorie vûrûri ûcio wonthe, nîûndû nîwe ngûva guo.”

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 17:19

Nwatî Ngai nîwerire Iburahimu atîrî, “Naarî. Mûkaguo Sara nîagaagûciarîra mwana wa kavîcî na ûgaagatuîra rîîtwa Isaka. Nîngaavingia kîrîkanîro gîakwa nake wana njiarwa ciake tene na tene.

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 20:1

Iburahimu nîwathaamire akiuma Mamure akîthiî mwena wa îveti wa Kanaani na agîtûûra gatagatî ga Kadeshi na Shuri. Vuvarî nîwathiîre Gerari.

Kîam 25:11

Vuva wa gîkuû Kîam Iburahimu, Ngai nîwarathimire mûvîcî Isaka. Isaka nîwatûûrire vakuvî na kîthima kîrîa gîtagwa “Kîthima Kîam Ûrîa Ûrî Mwoyo na Ûmonaga”.

Kîam 26:12

Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte.

Kîam 26:14

Isaka aarî na ndîthia nyîngî cia ng'ondu na ng'ombe, wana ndungata nyîngî. Nao Afilisiti nîmaagîre na wîru nîûndû wake.

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

Kîam 28:13

Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Kîam 31:3

Ngai-Mûnene nîwerire Jakovu atîrî, “Coka vûrûrirî wa methe maku ma tene, na kûrî andû enyu na ngethagîrwa nîrî vamwe nawe.”

Kîam 35:12

Nîngaakûva vûrûri ûrîa naveete Iburahimu na Isaka, na vuvarî nîûvecane kûrî njiarwa ciaku.”

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:21

Nwatî Ngai-Mûnene aarî vamwe na Josefu na nîwamwonagia wendo ûtathiraga na agîtûma endwe nî mûrûngamîrîri wa njera.

Kîam 48:21

Jakovu nîwerire Josefu atîrî, “Tathikîrîria, nîrî vakuvî gûkua, nwatî Ngai akethagîrwa arî vamwe nawe na nîakaamûcokia vûrûrirî wa methe menyu.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

1Maû 16:16

Kîrîkanîro kîrîa aarîkanîre na Iburahimu, kîîranîro kîrîa erîîre Isaka na mwîvîtwa.

Thaburi 105:8

Ke atûûraga aririkanaga kîrîkanîro gîake tene na tene, avingagia ciîranîro ciake kûrî njiarwa ngiri na ngiri.

Thaburi 105:9

Nîavingagia kîrîkanîro kîrîa aarûthire na Iburahimu, maûndû marîa erîîre Isaka na mwîvîtwa.

Thaburi 32:8

Ngai-Mûnene augîte atîrî, “Nîngûkwonia njîra îrîa wagîrîrwe nî kûrûmîrîra, nî ngûthomithia na ngûmenyerere.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Ntha 2:24

ûrîa macaaga nîwaririkanire kîrîkanîro gîake na Iburahimu, Isaka, na Jakovu.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 6:4

Wana nînarûthire kîrîkanîro nao ngiuga nîngaamava vûrûri wa Kanaani, vûrûri ûrîa maatûûraga ta ageni.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 6:8

Nanie nîngaamûvira vûrûrirî ûrîa nerîîre Iburahimu, Isaka na Jakovu atî nîngaamava na nîngaamûva guo ûtuîke wenyu. Nie nî Nie Ngai-Mûnene.’ ”

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 34:4

Ngai-Mûnene nîwacokire akîra Musa atîrî, “Ûyû nîguo vûrûri ûrîa nerîîre Iburahimu, Isaka na Jakovu na mwîvîtwa atî, nîngaava njiarwa ciao. Nînagwîtîkîria ûwone na metho, nwatî ndigaagwîtîkîria ûkinye kuo.”

Afil 4:9

Îkagani maûndû marîa mwathomire na mûkîamûkîra kuuma kûrî ciugo ciakwa wa vamwe na ciîko ciakwa. Nake Ngai ûrîa ûtûvecaga thayû akethagîrwa vamwe na mue.

Ahib 11:9

Na njîra ya wîtîkio Iburahimu atûûrire arî ta mûgeni vûrûrirî ûrîa Ngai aamwîrîîre. Aatûûraga magemarî wata ûrîa Isaka na Jakovu maatûûraga, arîa wa nao maaverwe kîîranîro wata kîu nî Ngai.

Ahib 6:17

Ngai nîwendire kwonia andû arîa makagaa ciîranîro ciake atî îtua rîake nî rîa ma. Kwoguo nîwevîtire atî ke nîakaavingia ciîranîro ciake.