Kîam 22:4 - ÎVUKU RÎA ÛVORO MWARO

⁴ Mûthenya wa kathatû Iburahimu nîwaroririe arî varaca na akîona kûndû kûu.

Kîam 22:4 ပူးပေါင်းရင်းမြစ်များ

Kîam 22:3

Mûthenya ûcio warûmîrîrîte kîraûko tene Iburahimu nîwaunire ngû cia kûvîvia îgongoona, na agîcigîrîra îgûrû rîa mvunda yake. Nîwocire Isaka na ndungata ciake igîrî na akîthiî kûrîa Ngai aamwîrîte.

Kîam 22:5

Nîwerire ndungata ciake atîrî, “Mue îkaragani ava vamwe na mvunda, nîguo nie na mûvîcîwa tûthiî kûrîa kîrîmarî tûkavoe tûcoke tûke.”

2Atha 20:5

“Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

Esita 5:1

Mûthenya wa kathatû Esita nîwekîrire nguo cia ûthamaki na akîrûgama kîvarorî Kîam nyomba ya mûthamaki kûrorania na varîa mûthamaki ekaraga. Mûthamaki eekarîrîte gîtî Kîam ûthamaki aroretie mwîrîgarî wa mûciî wake.

Ntha 15:22

Musa nîwacokire agîtongoria andû a Isiraeli kuuma îria îtune makîthiî werûrî wa Shuru. Nao nîmaathiîre rûgendo rwa mîthenya îthatû marî werûrî na matakwona manjî.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Ntha 5:3

Nake Musa na Aroni nîmaacokerie mûthamaki wa Misiri atîrî, “Ngai wa Ahibirania nî atumîrîrîte. Twîtîkîrie tûthiî rûgendo rwa mîthenya îthatû werûrî tûkarutîre Ngai-Mûnene, Ngai wetû îgongoona. Ethîrwa tî twîka ûguo, Ngai-Mûnene agaatûverithia na mûrimû kana mbaara.”

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Alawi 7:17

Nwatî nyama cia îtega rîu ingîgaakinyia mûthenya wa kathatû itarî ndîe, nwanginya ikaavîvua.

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 19:12

Ke aketheragia na manjî mûthenya wa kathatû na mûthenya wa mûgwanja nîguo ethîrwe arî mûtheru. Nwatî angîrega kwîtheria mûthenya wa kathatû na wa mûgwanja, mûndû ûcio akethagîrwa atarî mûtheru.

Ndari 19:19

Mûthenya wa kathatû na wa mûgwanja, mûndû ûrîa mûtherie nîakaaminjîria mûndû ûrîa ûtarî mûtherie manjî. Mûthenya wa mûgwanja, nîakaathambia nguo ciake na acoke ethambie mwîrî na ekare atarî mûtheru kinya kîvwaî.

Ndari 31:19

Muonthe arîa mûragîte mûndû kana mûvutîtie kimba nwanginya mwîkare nja ya kûrîa mwambîte magema îvinda rîa mîthenya mûgwanja. Mûthenya wa kathatû na mûthenya wa mûgwanja, mwîtherie vamwe na aka arîa mûtavîte.

Mathaayo 17:23

nao nîmakaamûraga, na vuva wa mîthenya îthatû, nîakaariûkua.” Nao arutwa nîmeguire kîeva mûno.

Luka 13:32

Nake Jesû nîwamacokerie atîrî, “Tathiîni mwîre mbwe îo atî ûmûnthî wana rûyû nîmbîthîrwa nîrî gûkû ngîrutûrûraga ngoma kuuma kûrî andû na ngîmavonagia mîrimû yao. Narîo aûke nîngarîkia wîra wakwa.

1Akor 15:4

Nake nîwathikirwe na mûthenya wa kathatû akîriûka, wata ûrîa kwandîkîtwe Mandîkorî Matheru.

Josh 1:11

“Thiîni kûrîa kuonthe andû mambîte magema mûmeere atîrî, ‘Varîriani irio cienyu, nîûndû mîthenya îthatû yûkîte nîmûkaaringa rûnjî rûrû rwa Jorodani mûthiî mûkegwatîre vûrûri ûrîa Ngai-Mûnene, Ngai wenyu akaamûva.’ ”

1Sam 26:13

Daudi nîwacokire akîthiî mwena ûcio wîngî wa Kîamnda na nîwarûngamire îgûrû rîa kîrîma varaca kuuma kûrî Saûlo,