Kîam 22:1 - ÎVUKU RÎA ÛVORO MWARO

¹ Vuva wa maûndû mau Ngai nîwageririe Iburahimu. Nîwamwîrire atîrî, “Iburahimu!” Nake Iburahimu nîwacokirie atîrî, “Îî nîrî ava!”

Kîam 22:1 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Kîam 21:11

Ûvoro ûcio nîwathînirie Iburahimu mûno, nîûndû wa nake Ishumaeli aarî mûvîcî.

Kîam 22:11

Nwatî mûraika wa Ngai-Mûnene kuuma îgûrû nîwamwîtire akîmwîra atîrî, “Iburahimu, Iburahimu!” Nake nîwacokirie atîrî, “Îî nîrî ava.”

Kîam 22:7

Marî njîrarî Isaka nîwaûririe îthe atîrî, “Vava” Nake îthe nîwetîkirie atîrî, “Mûvîcîwa.” Nake Isaka nîwaûririe atîrî, “Taroria, ino nî ngû na mwaki, nayo ndûrûme ya îgongoona îrî va?”

Kîam 37:13

Nake Isiraeli nîwerire Josefu atîrî, “Nîrenda gûgûtûma Shekemu kûrîa aa mûrwanyûkwe mararîthia.” Nake Josefu nîwacokirie atîrî, “Ndûma vava.”

Kîam 46:2

Ûtukû, Ngai nîwarîrie Jakovu na njîra ya kîoneki na akîmwîra atîrî, “Jakovu, Jakovu!” Nake Jakovu nîwacokirie atîrî, “Îî, nîrî ava.”

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Thaburi 11:5

Ngai-Mûnene nîatuîragia andû arîa athingu na arîa aganu, na nîamenete andû arîa ndûrîka na ngoro yake yonthe.

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Ntha 3:4

Rîrîa Ngai-Mûnene oonire Musa nîwakuvîvîria, arî gatagatî ga kîthaka nîwamwîtire atîrî, “Musa! Musa!” Musa nîwacokirie atîrî, “Îî nîrî ava.”

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

Gûco 13:3

mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Ahib 11:17

Nîûndû wa wîtîkio Iburahimu nîwavecanire mûvîcî Isaka atuîke îgongoona vîndî îrîa Ngai aamûgeririe. Iburahimu nîke wavetwe kîîranîro nî Ngai, nwatî ke nîwevarîrîtie kûvecana mwana wake wa mûmwe atuîke îgongoona.

Jakuvu 2:21

Iburahimu îthe wetû wa tene, nîwatwirwe mûthingu nîûndû wa ûrîa eekire vîndî îrîa aarutire mûriû wake Isaka metharî ya kûrutîra kîgongoona.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

Atir 2:22

Ngaavûthîra ndûrîrî icio kûgeria Aisiraeli nîguo menye kana makambathîkagîra ta ûrîa methe mao ma tene meekaga.”

1Sam 3:4

Ngai-Mûnene nîwetanire akiuga atîrî, “Samueli! Samueli!” Nake Samueli agîcokia atîrî, “Îî nîrî ava.”