Kîam 2:5 - ÎVUKU RÎA ÛVORO MWARO

⁵ gûtiarî mûmera na gûtiarî mvîndî ciamerete nthî nîûndû Ngai-Mûnene, Ngai ndaarî murithiu mbura, na gûtiarî mûndû wa kûrîma.

Kîam 2:5 ပူးပေါင်းရင်းမြစ်များ

Kîam 2:6

Nwatî manjî nîmaaumaga nthî na magatûma îgîe na wigû.

Kîam 3:23

Kwoguo Ngai-Mûnene, Ngai nîwamengatire mûgûndarî wa Edeni, nîguo mathiî makarîme nthî kûrîa maaumire.

Kîam 4:12

Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”

Kîam 4:2

Awa nîwacokire agîciara Abili mûrwang'ina wa Kaini. Abili aarî mûrîthi nake Kaini aarî mûrîmi.

Ayubu 5:10

Nîke urithagia mbura nthî, na agetîrîria mîgûnda manjî.

Thaburi 104:14

Nîûtûmaga nyaki îkûre nîûndû wa ng'ombe, na mîmera nîguo andû mamîtûmîre, nîguo magîcage na irio kuuma nthî,

Thaburi 135:7

Nîke ûtûmaga matu mambate kuuma mîthiia yonthe ya nthî, nîke ûtûmaga mveni ivenie rîrîa gûkura, na akaruta rûkûngi kuuma makûmbîrî make.

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 10:13

Vîndî îrîa aruta mûgambo manjî marîa marî îgûrû nîmarurumaga, na nîke ûtûmaga matu mambate kuuma mîthiia ya nthî. Atûmaga rûveni rûvenie rîrîa kûraura, na agatûma rûkûngi rûke rumîte kûrîa rwîkaraga.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Ahib 6:7

Ngai arathimaga mûgûnda ûrîa ûnyunyaga mbura îrîa yuraga kuo na îkamerithia mîmera îrîa îgunaga andû arîa mamîrîmaga.