Kîam 2:2 - ÎVUKU RÎA ÛVORO MWARO

² Naguo mûthenya wa mûgwanja Ngai aarî mûrîkiu wîra ûrîa aarutaga, na akînogoka.

Kîam 2:2 ပူးပေါင်းရင်းမြစ်များ

Kîam 1:31

Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.

Kîam 2:3

Ngai nîwarathimire mûthenya ûcio wa mûgwanja na akîwamûra, nîûndû mûthenya ûcio nîguo aanogokire arîkia wîra wake wa ûmbi.

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Ntha 31:15

Mûkaarutaga wîra mîthenya îtandatû, nwatî mûthenya wa mûgwanja nî thavatû ya kûvurûka na wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya wa thavatû nî akaaûragwa.

Ntha 31:17

Mûthenya wa thavatû nî rûûri rwa gûtûûra tene na tene gatagatî gakwa na andû a Isiraeli, nîûndû Nie, Ngai-Mûnene naaûmbire îgûrû na nthî mîthenya îtandatû. Mûthenya wa mûgwanja nînatigire kûruta wîra na ngîvurûka.”

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Johana 5:17

Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”

Gûco 5:14

Nwatî mûthenya wa mûgwanja nî thavatû ya Ngai-Mûnene, Ngai waku. Mûthenya ûcio, ndûkarutage wîra wana ûrîkû, we mwene, kana mûvîcîguo, kana mwarîguo, kana ndungata yaku ya mûndûmûrûme kana ya mûndûmûka kana ndegwa yaku, kana mvunda yaku kana nyamû yaku wa yonthe, kana mûgeni ûrîa wî gwaku mûciî. We na ndungata ciaku nwanginya mûvurûkage mûthenya ûcio.

Ahib 4:10

Mûndû wa wonthe ûvotete gûtonya kîvurûkorî kîrîa Ngai eeranîre, nîakaavurûka kuuma wîrarî wake wata ûrîa Ngai aavurûkire kuuma kûrî wîra wake.

Ahib 4:4

Nîûndû mandîkorî matheru kûrî vandû vandîkîtwe ûvoro wîgiî mûthenya wa mûgwanja atîrî, “Ngai aavurûkire mûthenya wa mûgwanja na agîtiga kûruta wîra wake wonthe.”