Kîam 17:8 - ÎVUKU RÎA ÛVORO MWARO

⁸ Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 17:8 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 13:17

Rîu ûkîra ûthiî ûkarorie vûrûri ûcio wonthe, nîûndû nîwe ngûva guo.”

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

Kîam 28:4

Arokûrathima we na njiarwa ciaku wata ûrîa aarathimire Iburahimu. Vûrûri ûyû ûtûûraga, na nîguo Ngai aaveere Iburahimu, ûrotuîka waku!”

Kîam 35:27

Jakovu nîwathiîre Mamure kûrî îthe Isaka vakuvî na Kiriathariba (na nîyo Heburoni), kûrîa Iburahimu na Isaka maatûûraga.

Kîam 36:7

Aaumire kûu nîûndû vûrûri ûrîa ke na Jakovu maatûûraga ndwameganaga. Maarî na ndîthia nyîngî na matingîavotire gwîkarania vamwe.

Kîam 37:1

Jakovu nîwatûûrire Kanaani vûrûrirî ûrîa îthe aatûûraga mbere arî mûgeni.

Kîam 48:4

Aambîrire atîrî, ‘Nîngaakûva ciana nyîngî, na njiarwa ciaku nîigaatuîka ndûrîrî nyîngî. Vûrûri ûyû nîngaûva njiarwa ciaku ûtuîke wao tene na tene.’

2Sam 23:5

Ûguo nîguo Ngai akaarathima njiarwa ciakwa, nîûndû nîwathondekire kîrîkanîro Kîam gûtûûra tene na tene nanie, kîrîkanîro kîu nî kîrûmu na gîtingîcenjekia. Ûndû ûcio nîguo nîîriragîria; nîûndû nîguo ûgaatuîka ûvootani wakwa, Ngai nîagaatûma ûndû ûcio ûvinge.

1Maû 16:18

Aaugire atîrî, “We nîngaakûva vûrûri wa Kanaani, vûrûri ûcio nîûgaatuîka îgai rîaku.”

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 105:11

Aaugire atîrî, “Nîngaakûva vûrûri wa Kanaani, na nîûgaatuîka îgai rîaku.”

Thaburi 105:9

Nîavingagia kîrîkanîro kîrîa aarûthire na Iburahimu, maûndû marîa erîîre Isaka na mwîvîtwa.

Ntha 13:11

“Ngai-Mûnene nîakaamûkinyia vûrûri wa Kanaani ûrîa aamwîrîîre mue wana methe menyu ma tene atî nî akaamûva, mwakinya kuo,

Ntha 21:6

mwathi wa ngombo îo nîakaamîvira varîa vagoocagîrwa Ngai. Mwathi wayo nîakamîîra îrûngame mûrangorî kana gîtugîrî Kîam mûrango na amîtûre îrima gûtû na mûkuva, nayo ngombo îo îgaatûûra îtungatagîra mwathi wayo.

Ntha 29:45

Nîngaatûûra gatagatîrî ka andû a Isiraeli na nduîke Ngai wao.

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Ntha 40:15

Ûcoke ûmamûre wata ûrîa wamûrire îthe, nîguo mandungatagîre marî athînjîri-Ngai. Wamamûra magatûûraga mandungatagîra marî athînjîri-Ngai nginya njiarwa ciao cionthe.”

Ntha 6:4

Wana nînarûthire kîrîkanîro nao ngiuga nîngaamava vûrûri wa Kanaani, vûrûri ûrîa maatûûraga ta ageni.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Jeremia 25:5

Maamwîraga atîrî, “Mûndû wa wonthe nîatigane na mîthiîre yake mîcûku na maûndû ma waganu; nîguo mûtûûre vûrûrirî ûrîa Ngai-Mûnene aamûveere vamwe na methe menyu ûtuîke wenyu tene na tene.

Jeremia 31:1

Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Ezek 11:20

Nîmûgaacoka kûrûmîrîra mawatho makwa na mwathîkagîre irîra ciakwa. Nanie nîngaatuîka Ngai wao, nao nîmagaatuîka andû akwa.

Ezek 33:24

“Mûndû, andû arîa matûûraga matûûrarî marîa momomoku vûrûrirî wa Isiraeli maugaga atî, ‘Iburahimu aarî mûndû ûmwe tu, na vûrûri ûyû wonthe warî wake. Tue tûrî eengî na kwoguo tûrîave vûrûri ûyû ûtuîke wetû.’

Alawi 14:34

“Rîrîa mûgaakinya vûrûrirî wa Kanaani ûrîa ngaamûva mwîgwatîre, na mûndû one atî nie nîndûmîte nyomba yake înyitwe nî Milideu,

Alawi 16:34

Mawatho mama nîmatûûra marûmagîrîrwa. Mambura mama nwanginya marûthagwe riita rîmwe wa mwaka nî mûthînjîri-Ngai nîûndû wa kûtheria mevia monthe ma andû a Isiraeli.” Kwoguo Musa nîwekire wata ûrîa Ngai-Mûnene aathanîte.

Alawi 26:12

Ngethagîrwa nîrî namue na ngethîrwa nîrî Ngai wenyu, namue mwîthagîrwe mûrî andû akwa.

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Ndari 10:29

Musa nîwerire Hobabu, mûvîcî wa Jethiro, Mûmidiani (Jethiro aarî mûthoniwe wa Musa) atîrî, “Rîu tûthiîte vûrûrirî ûrîa Ngai-Mûnene aatwîrîre atî nîagaatûva. Ûka tûthiî nawe na tûgatûûrania waro; nîûndû Ngai-Mûnene nîerîrîte andû a Isiraeli maûndû maro.”

Ndari 25:13

Finehasi na njiarwa ciake cionthe nîmatûûra marî athînjîri-Ngai nîûndû nîwatuîkire mwîvokeku akîrega kûgooca ngai ciîngî tiga nie. Ke nîwatûmire andû a Isiraeli moverwa mevia mao.

Ndari 27:12

Ngai-Mûnene nîwerire Musa atîrî, “Unûkia kîrîmarî Kîam Abarimu na ûrorie vûrûri ûrîa naveere andû a Isiraeli.

Ciîko 7:5

Ngai ndaagaîra Iburahimu wa naarî îkinyo rîmwe rîa vûrûri ûcio. Nwatî Ngai nîwamwîrîre nîakûmûva vûrûri ûcio nîguo ûtuîke wake na wa njiarwa ciake, wana ethîrwa vîndî îo Iburahimu ndaarî na ciana.

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Gûco 26:18

Nake Ngai-Mûnene nîwauga ûmûnthî, atî mue mûrî andû ake kîûmbe wata ûrîa aamwîrîîre na nîmwagîrîrwe nî kûvingagia maathani make monthe.

Gûco 29:13

nîguo amûtue andû ake kîûmbe nake ethîrwe arî Ngai wenyu wata ûrîa eerîre methe menyu; Iburahimu, Isaka na Jakovu.

Gûco 32:49

“Unûkia kîrîmarî Kîam Abarimu vûrûrirî wa Moabu ûrîa ûng'ethanîrîte na îtûûra rîa Jeriko ûkarorie vûrûri wa Kanaani, ûrîa ngûva andû a Isiraeli ûtuîke wao.

Gûco 32:8

Rîrîa Ngai ûrîa Ûrî Îgûrû Mûno aagaîre mavûrûri îgai rîao, rîrîa agaanagia andû nîwavere mavûrûri kûndû gwa gûtûûra, wa vûrûri kûringana na mûraika wa guo.

Gûco 34:4

Ngai-Mûnene nîwacokire akîra Musa atîrî, “Ûyû nîguo vûrûri ûrîa nerîîre Iburahimu, Isaka na Jakovu na mwîvîtwa atî, nîngaava njiarwa ciao. Nînagwîtîkîria ûwone na metho, nwatî ndigaagwîtîkîria ûkinye kuo.”

Gûco 4:37

Ngai-Mûnene nîwendete methe menyu; kwoguo nîwamûthuurire kuuma kûrî njiarwa ciao na akîmûruta Misiri na vinya wake mûnene.

Gûco 9:5

Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

Josh 1:2

atîrî, “Ndungata yakwa Musa nîîkuîte. Rîu ûkîra mûrî na andû a Isiraeli mûringe rûnjî rwa Jorodani mûthiî vûrûrirî ûrîa ngûmava.

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.