Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kîam 12:7 - ÎVUKU RÎA ÛVORO MWARO

7 Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

အခန်းကိုကြည့်ပါ။ ကော်ပီ




Kîam 12:7
55 ပူးပေါင်းရင်းမြစ်များ  

Vuva wa ûguo Aburamu nîwathiîre irîmarî irîa irî mwena wa îrathîro wa Betheli, na akîamba îgema rîake gatagatî ka Betheli na Ai. Betheli yarî mwena wa îthûîro, nayo Ai mwena wa îrathîro. Nake Aburamu nîwatumîre Ngai-Mûnene metha ya kîgongoona vau na akîgooca Ngai-Mûnene arî vo.


We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.


Rîu ûkîra ûthiî ûkarorie vûrûri ûcio wonthe, nîûndû nîwe ngûva guo.”


Nake Aburamu nîwathaamirie îgema rîake na akîthiî gûtûûra Heburoni vakuvî na mîtî îrîa mîamûre ya Mamure. Aburamu nîwatumîre Ngai-Mûnene metha ya kîgongoona vo.


Vau nwavo aathondekerete Ngai-Mûnene metha ya kîgongoona na akîmûgooca.


Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.


Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.


Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,


Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”


Iburahimu arî mîtîrî mîamûre ya Mamure nîwaumîrîrwe nî Ngai-Mûnene. Iburahimu ekarîte mûromorî wa îgema rîake. Îthaarî rîu riûa rîarîte mûno.


Rîrîa maakinyire varîa Ngai aameerîte, Iburahimu nîwarûthire metha ya kîgongoona. Nîwacokire akîara ngû waro, akîovania mûvîcî Isaka, na akîmwigîrîra îgûrû rîa ngû metharî ya kîgongoona.


Ngai-Mûnene, Ngai wa îgûrû nîwandutire mûciî kwa vava kûrîa naciarîrwe na nîwevîtire na akîmbîra atî nîakaava njiarwa ciakwa vûrûri ûyû. Ngai ûcio nîagaatûma mûraika wake athiî mbere yaku, nîguo wonere mûvîcîwa mûndûmûka kuuma kuo.


Isaka nîwatumire metha ya kîgongoona vau, na akîgooca Ngai-Mûnene. Nîwacokire akîamba îgema rîake vau nacio ndungata ciake ikînja kîthima kîngî.


Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.


Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.


Arokûrathima we na njiarwa ciaku wata ûrîa aarathimire Iburahimu. Vûrûri ûyû ûtûûraga, na nîguo Ngai aaveere Iburahimu, ûrotuîka waku!”


Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.


Jakovu nîwatumire metha ya kîgongoona na agîta vandû vau Eli.


Nîngaakûva vûrûri ûrîa naveete Iburahimu na Isaka, na vuvarî nîûvecane kûrî njiarwa ciaku.”


Nîwatumire metha ya kîgongoona vau na agîîta vandû vau Eli-betheli, nîûndû kûu nîkuo Ngai aamumîrîre rîrîa aaûraga kuuma kûrî mûrwang'ina Esaû.


Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”


Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.


Daudi nîwacokire agîtumîra Ngai-Mûnene metha ya kîgongoona vau, na akîrutîra magongoona ma kûvîvua na ma thayû vo. Kwoguo Ngai-Mûnene nîwegwire mavoya make na agîtûma mûthiro ûcio ûthire kûu Isiraeli.


Elija nîwatumîre Ngai-Mûnene rîngî metha ya kîgongoona na mathiga mau. Nîwenjire mûtaro ûmîthiûrûrûkîrîtie. Mûtaro ûcio nîûngîeganîre ndeve îmwe na nuthu ya mbeû.


Kîrîkanîro kîrîa aarîkanîre na Iburahimu, kîîranîro kîrîa erîîre Isaka na mwîvîtwa.


Aaugire atîrî, “We nîngaakûva vûrûri wa Kanaani, vûrûri ûcio nîûgaatuîka îgai rîaku.”


Taroria rîu ûrîa maratwîka. Maûkîte gûtûtharîkîra nîguo tuume vûrûrirî ûrîa watûveere ûtuîke wetû.


Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?


Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.


Musa nîwatumire metha ya kîgongoona na akîmîtuîra rîîtwa “Ngai-Mûnene nîke vendera yakwa.”


Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.


Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”


Ngai-Mûnene nîwerire Musa atîrî, “Uma gûkû, we vamwe na andû arîa warutire vûrûri wa Misiri na mûthiî vûrûrirî ûrîa nerîîre Iburahimu, Isaka, na Jakovu vamwe na njiarwa ciao atî nîngaamava.


Nînaumîrîre Iburahimu, Isaka na ngiumîrîra Jakovu ta Ngai Mwene Vinya Wonthe, nwatî ndiemenyithania kûrî o na njîra ya rîîtwa rîakwa rîrîa rîtheru, Ngai-Mûnene.


Wana nînarûthire kîrîkanîro nao ngiuga nîngaamava vûrûri wa Kanaani, vûrûri ûrîa maatûûraga ta ageni.


Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”


“Gaîra mîvîrîga îno yonthe vûrûri ûyû ûtuîke îgai rîao, wata ûrîa andû a wa mûvîrîga megana.


‘Nama gûtirî wanarî mûndû ûmwe wa arîa maaumire Misiri ûrî na ûkûrû wa mîaka mîrongo îîrî kûthiî na îgûrû ûgaatonya vûrûri ûrîa nevîtire atî nîngaava Iburahimu, Isaka na Jakovu, nîûndû nîmaaregire kûmbathîkîra.’


Ngai ndaagaîra Iburahimu wa naarî îkinyo rîmwe rîa vûrûri ûcio. Nwatî Ngai nîwamwîrîre nîakûmûva vûrûri ûcio nîguo ûtuîke wake na wa njiarwa ciake, wana ethîrwa vîndî îo Iburahimu ndaarî na ciana.


Ûguo nî ta kuga atî ciana irîa iciarîtwe na njîra ya kîîmwîrî tî ciana cia Ngai, nwatî ciana irîa ciumanîte na kîîranîro Kîam Ngai, nîcio njiarwa ciake nama.


Rîu Ngai nîwarûthire kîîranîro gîake na Iburahimu vamwe na rûciaro rwake. Mandîko matheru matiugîte atîrî, “Na njiarwa ciake,” ûguo nî kuga andû eengî, nwatî maugîte “Rûciaro rwake,” na nî kuga mûndû ûmwe, na nîke Kristû.


Rîu mue ariû na aarî a îthe wetû, mûrî ciana cia Ngai nîûndû wa kîîranîro wata Isaka.


Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”


Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”


Ngai-Mûnene nîwacokire akîra Musa atîrî, “Ûyû nîguo vûrûri ûrîa nerîîre Iburahimu, Isaka na Jakovu na mwîvîtwa atî, nîngaava njiarwa ciao. Nînagwîtîkîria ûwone na metho, nwatî ndigaagwîtîkîria ûkinye kuo.”


“Ngai-Mûnene, Ngai wenyu nîakaamûva vûrûri ûrî na matûûra manene na maro marîa mûtaatuma, wata ûrîa eerîre methe menyu ma tene: Iburahimu, Isaka na Jakovu.


Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.


Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.


Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.


Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.


Vîndî îrîa andû a mûvîrîga wa Reubeni na wa Gadi na nuthu îmwe ya mûvîrîga wa Manase maakinyire Gelilothu vakuvî na rûnjî rwa Jorodani, nîmaatumire metha nene mbaro ya kîgongoona. Vîndî îo maarî mwena wa îthûîro wa rûnjî rwa Jorodani.


Joshua nîwacokire agîtumîre Ngai-Mûnene Ngai wa andû a Isiraeli metha ya kîgongoona kîrîmarî Kîam Ebali îgûrû.


Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.


Nake nîwacokaga akenûka mûciî gwake kûu Rama. Na arî kûu Rama, nîwatucagîra andû a Aisiraeli ciira arî na waragania na agîtumîra Ngai-Mûnene metha ya kûrutîra kîgongoona kuo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ