Kîam 12:3 - ÎVUKU RÎA ÛVORO MWARO

³ Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 12:3 ပူးပေါင်းရင်းမြစ်များ

Kîam 18:18

nîûndû njiarwa ciake nîigaatuîka rûrîrî rûnene na rwa vinya. Nîngaarathima ndûrîrî cionthe cia nthî na njîra yake.

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Kîam 24:35

Ngai-Mûnene nîarathimîte mwathi wakwa mûno na akamûtongia. Nîamûvete ndîthia ya mbûri na ng'ondu na ng'ombe, sîlûva, thaavu, ndungata cia arûme na cia aka, ngamîîra na mvunda.

Kîam 25:11

Vuva wa gîkuû Kîam Iburahimu, Ngai nîwarathimire mûvîcî Isaka. Isaka nîwatûûrire vakuvî na kîthima kîrîa gîtagwa “Kîthima Kîam Ûrîa Ûrî Mwoyo na Ûmonaga”.

Kîam 26:29

atî ndûgaatûîka ûndû mûcûku nîûndû wanatue tûtiagwîka ûndû mûcûku. Tue twagwîkire maûndû maro na tûkîrekia ûthiî na thayû. Rîu Ngai-Mûnene nîakûrathimîte.”

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 27:29

Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

Kîam 30:27

Labani nîwacokerie Jakovu atîrî, “Tiga mbuge atî nîmenyete na njîra ya ûragûri atî Ngai-Mûnene nîmûndathimu nîûndû waku.

Kîam 30:30

Nîûndû mbere ya mbûke gwaku ndîthia ciaku itiarî nyîngî, nwatî rîu nîciîngîvîte mûno na Ngai-Mûnene nîarakûrathimaga kûrîa kuonthe nîrathiîcaga. Nwatî rîu nî kavinda ga kûthûkûmîra mûciî wakwa.”

Kîam 39:5

Kuuma Josefu aatuîka ndungata na mûrûngamîrîri wa indo cia Potifa, Ngai-Mûnene nîwarathimire mûciî wa Mûmisiri ûcio vamwe na indo ciake irîa ciarî mûciî na irîa ciarî mûgûndarî.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Ntha 23:22

Nwatî mûngîmwathîkîra na mwîkage maûndû monthe marîa ngûmwatha ngaarûaga na nthû cienyu cionthe.

Ndari 24:9

Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

Agal 3:16

Rîu Ngai nîwarûthire kîîranîro gîake na Iburahimu vamwe na rûciaro rwake. Mandîko matheru matiugîte atîrî, “Na njiarwa ciake,” ûguo nî kuga andû eengî, nwatî maugîte “Rûciaro rwake,” na nî kuga mûndû ûmwe, na nîke Kristû.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Agal 3:8

Mandîko matheru nîmoonanirie na vau kavere atî Ngai nîagaatua andû a Ndûrîrî athingu nîûndû wa gwîtîkia. Kwoguo Iburahimu nîwamenyithirue na njîra ya ûvoro mwaro atî: “Andû a Ndûrîrî cionthe nîmakaarathimwa nîûndû waku.”

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.