Kîam 10:7 - ÎVUKU RÎA ÛVORO MWARO

⁷ Anake a Kushi maarî: Seba Havila, Sabuta, Raama na Sabuteka. Njiarwa cia Raama marî andû a Sheba na Dedani.

Kîam 10:7 ပူးပေါင်းရင်းမြစ်များ

Kîam 10:8

Kushi nîwagîre na kaana getagwa Nimurodi. Nimurodi nîke warî mûndû wa mbere kwîthîrwa arî njamba gûkû nthî.

Kîam 2:11

Rûnjî rwa mbere rwîtagwa Pishoni; na rwavîtûkagîrîra vûrûrirî wa Havila.

1Atha 10:1

Rîrîa mûndûmûka ûrîa warî mûthamaki wa Sheba eegwire ngumo ya Solomoni ûvororî wîgiî rîîtwa rîa Ngai-Mûnene, nîwathiîre kûrî Solomoni kûu Jerusalemu nîguo amûgerie na njîra ya kûmûria ciûria ndito.

1Maû 1:9

Anake a Kushi maarî: Seba, Havila, Sabuta, Raama, na Sabuteka. Anake a Raama maarî; Sheba na Dedani.

Ayubu 1:15

gîkundi gîa andû kuuma Sabea nîkîaitharîkîre wa rîmwe gîgîitava. Nîmaûragire ndungata ciaku cionthe na nwa nie ndigarire nîguo mbûke ngûmenyithie maûndû mama.”

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Isaia 21:13

Ûyû nî ûrathi wîgiî Arabia. Mue andû a Dedani mûthiîte mûrûmanîrîrîte, rarîrîrani werûrî wa Arabia ûmûnthî.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Ezek 27:15

Andû kuuma Dedani nîmaarutithanirie wîra wa kûgûra na andû a Turo. Kûndû kûrîa kwarî na wîra mwaro mûno waku wa kwendia na kûgûra indo, kwarî mavûrûrirî meengî marîa marî rûtererî rwa îria. Andû a kuo nîmaakûretagîra mîguongo ya njogu nîguo ûmakûrananîrie na mîtî ya mîvîngo.

Ezek 27:20

Andû a Dedani nîmaakûretagîra nguo cia kwigîrîrwa îgûrû rîa mbarathi rîrîa andû makûthiî mamîkarîrîte.

Ezek 27:22

Endia na agûri indo kuuma Sheba na Rama nîmaakûrananagia indo nawe. Nîmaakûretagîra indo cionthe irîa ciarî mbaro mûno cia mînyamû îrîa mînungi waro, mathiga monthe ma goro na thaavu.