Kîam 1:9 - ÎVUKU RÎA ÛVORO MWARO

⁹ Nake Ngai nîwaugire atîrî, “Manjî marîa marî rungu rwa matu nîmacokanîrîre vamwe nîguo nthî nyûmû yumîre.” Na gûgîtuîka guo.

Kîam 1:9 ပူးပေါင်းရင်းမြစ်များ

Kîam 1:8

Ngai nîwetire mwanya ûcio “Îgûrû.” Nakuo gûgîtuka na gûgîcoka gûgîkîa. Ûcio nîguo warî mûthenya wa kaîrî.

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Ayubu 26:10

Acorete kîthiûrûrû îgûrû rîa îria, nîguo kîgaanie ûtheri na ndûma.

Ayubu 26:7

Ngai atambarûkîtie rûgûrû kûndû gûtarî kîndû, na agacuuria nthî vandû vatarî kîndû.

Thaburi 104:3

ûtumîte mûciî waku îgûrû rîa manjî ma îgûrû. Ûtuîte matu gîkaari gîaku gîa gûkuucua, na ûthiîcaga ûtûîte mathagurî ma rûkûngi.

Thaburi 33:7

Aaûnganirie manjî monthe ma îriarî na akîmaiga vandû vamwe, aavingîre manjî monthe vamwe ta mûndû avingîrîte irio makûmbîrî.

Thaburi 95:5

Îria nî rîake, nîûndû nîke warîûmbire, aaûmbire nthî nyûmû na njara ciake.

Mûvunjia 1:7

Nyûnjî cionthe inyûrûrûkaga îriarî nwatî îria rîtiîcûraga. Kûrîa nyûnjî inyûrûrûkaga nîkuo ciumaga rîngî.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Jona 1:9

Nake Jona nîwamacokerie atîrî, “Nie nîrî Mûhibirania, na ngoocaga Ngai-Mûnene, Ngai wa îgûrû ûrîa waûmbire îria na nthî nyûmû.”

2Pet 3:5

Makîmenyaga na ma atî tene mûno Ngai nîwathanire kûgîe îgûrû na nthî. Nthî yaûmbirwe kuuma kûrî manjî.

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!