Kîam 1:16 - ÎVUKU RÎA ÛVORO MWARO

¹⁶ Kwoguo Ngai nîwathondekire motheri maîrî manene. Riûa rîathage mûthenya na mweri wathage ûtukû. Nîwacokire akîthondeka njata.

Kîam 1:16 ပူးပေါင်းရင်းမြစ်များ

Kîam 1:15

Motheri mau magaakengaga marî matuurî îgûrû, na magaatûmaga nthî kûgîe na ûtheri.” Na gûgîtuîka guo.

Ayubu 31:26

Nîngîroria riûa nîûndû wa ûkengu warîo, kana mweri nîûndû wa ûthaka waguo;

Ayubu 38:7

rîrîa njata cia kîraûko ciainaga irî vamwe, na andû a Ngai makanîrîra nî gûkena?

Thaburi 148:3

Mûkumieni mue riûa na mweri, mûkumieni mue njata cionthe irîa ikengaga.

Thaburi 148:5

Indo cionthe nîikumie rîîtwa rîa Ngai-Mûnene, nîûndû nîke wathanire, na ikîûmbwa.

Thaburi 19:6

Riumagîrîra mûthiiarî ûmwe wa îgûrû na rîkavîtûkania nginya mûthiia ûcio wîngî. Gûtirî kîndû kîngîîthitha kuuma kûrî ûrugarî wa riûa.

Thaburi 74:16

We nîwaûmbire mûthenya wana ûtukû; nîwaigire riûa vandû va rîo na ûkiga mweri vandû va guo.

Thaburi 8:3

Rîrîa ngûroria îgûrû, rîrîa warûthire na njara ciaku, mweri na njata, irîa waûmbire,

Isaia 13:10

Njata cionthe wana irîa ciîthagîrwa irî itutu nîigaatiga gûkenga; riûa rîkaaratha rîkariî ta nduma, naguo mweri ndûkaara.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Habakuku 3:11

Riûa na mweri nîciarûngamire irî kûrîa ciîkaraga, rîrîa cionire ûtheri wa mîguî yaku îthiîte mûno, rîrîa cionire îtumû rîaku rîkîvenavenia.

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Mathaayo 27:45

Thaa thita cia mûthenya ciakinya, vûrûri wonthe nîwagîre nduma nginya thaa kenda.

1Akor 15:41

Riûa rîrî riiri wa mûthemba warîo, mweri riiri wa mûthemba wîngî, na njata nacio ikethîrwa na riiri wa mûthemba wîngî. Na wa njata nayo îrî riiri wa mûthemba wayo.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.