Kîam 1:1 - ÎVUKU RÎA ÛVORO MWARO

¹ Kîambîrîriarî Ngai nîwaûmbire îgûrû na nthî.

Kîam 1:1 ပူးပေါင်းရင်းမြစ်များ

2Atha 19:15

Mûthamaki Hezekia nîwavoire atîrî, “We Ngai-Mûnene Ngai wa Isiraeli, we wîkarîte gîtîrî gîaku Kîam ûthamaki îgûrû rîa Akerubi, we wenga tu nîwe Ngai, we nîwe Ngai wa mothamaki monthe ma nthî. We nîwe waûmbire nthî na îgûrû.

1Maû 16:26

Nîûndû ngai cia ndûrîrî icio ciîngî nî mîvuanano, nwatî Ngai-Mûnene nîke waûmbire îgûrû.

2Maû 2:11

Nake Hiramu, mûthamaki wa Turo nîwacokerie Solomoni maarûa amwandîkîrîte atîrî, “Solomoni, Ngai-Mûnene nîaragûtwire mûthamaki wa andû ake nîûndû nîamendete.

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Ayubu 26:13

Nîwatheririe îgûrû na mîruke yake, na vinya wake nîwaûragire njoka îrîa yaûraga.

Ayubu 38:4

“Warî kû rîrîa narûthaga mîcingi ya nthî? Mbîîra ethîrwa ûrî na ûmenyo.

Ayubu 9:8

Nîke wenga watambarûkirie matu, na agîkinyanga makûmbî ma manjî îriarî.

Thaburi 102:25

Tene mûno nîwaûmbire nthî, na îgûrû nî wîra wa njara ciaku.

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Thaburi 104:30

Rîrîa waicokeria mîvevû yaku, nîigîcaga na mwoyo rîngî, we nîûtûmaga nthî îgîe na ûtûûro mûcerû.

Thaburi 115:15

Mûrorathimwa nî Ngai-Mûnene, ûrîa waûmbire îgûrû na nthî!

Thaburi 121:2

Ûtethio wakwa umaga kûrî Ngai-Mûnene, ûrîa waûmbire îgûrû na nthî.

Thaburi 124:8

Ûtethio wetû umaga kûrî Ngai-Mûnene, ûrîa waûmbire îgûrû na nthî.

Thaburi 134:3

Ngai-Mûnene ûrîa waûmbire îgûrû na nthî, aromûrathima arî Zayuni!

Thaburi 136:5

Nîke waûmbire îgûrû na ûûgî wake; nîûndû wendo wake ûtathiraga ûtûûraga tene na tene;

Thaburi 146:6

ûrîa waûmbire îgûrû na nthî, îria na indo cionthe irîa irî kuo; ûrîa ûvingagia ciîranîro ciake vîndî cionthe.

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Thaburi 8:3

Rîrîa ngûroria îgûrû, rîrîa warûthire na njara ciaku, mweri na njata, irîa waûmbire,

Thaburi 8:4

mûndû nî ndûî, atî nîguo ûmwîciragie; mûndû wa nthî nî ndûî, atî nîguo ûmûmenyagîrîre?

Thaburi 90:2

Mbere ya irîma igîa kuo na mbere ya ûmba nthî, we nîwe Ngai kuuma tene nginya tene.

Thaburi 96:5

Nîûndû ngai cionthe cia mavûrûri marîa mengî nî mîvuanano tu, nwatî Ngai-Mûnene nîke waûmbire îgûrû na indo irîa irî kuo.

Ntha 20:11

Nîûndû Nie Ngai-Mûnene naaûmbire îgûrû, nthî, na îria wana indo cionthe irîa irî kuo na mîthenya îtandatû, na mûthenya wa mûgwanja ngîvurûka. Kwoguo Nie Ngai-Mûnene nînaarathimire mûthenya wa thavatû na ngîûtua mûtheru.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Nthi 16:4

Ngai-Mûnene aaûmbire indo cionthe irî na itûmi ciacio, wana mûthiia wa andû arîa aganu nî kûthirua.

Nthi 3:19

Ngai-Mûnene aaûmbire nthî na njîra ya ûûgî; na akîûmba îgûrû na ûmenyo wake.

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Isaia 40:21

Anga mue mûtiîcî? Anga mûtirî mwegua? Anga mûtierwa kuuma Kîammbîrîria? Anga mûtianataûkîrwa kuuma rîrîa nthî yaûmbirwe?

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 40:28

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 45:18

Ngai-Mûnene ûrîa waûmbire îgûrû nîke Ngai! Ûrîa waûmbire nthî na agîtûma îgîe nîke wamîvandire; ndaamîûmbire îthîrwe îtarî na thayû na îtarî kîndû, aamîûmbire nîguo îtûûragwe. Nîke ûrauga atîrî, “Nie nînie Ngai-Mûnene, na gûtirî ngai îngî.

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 65:17

Ngai-Mûnene arauga atîrî, “Nîngûmba îgûrû rîcerû na nthî njerû. Maûndû marîa makûrû matikaaririkanwa rîngî, wana kana gwîciirague ûvoro wamo.

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

Jeremia 51:15

Ngai-Mûnene nîke watûmire nthî îgîe kuo na ûûgî wake; nîke watûmire nthî îkindîrie na vinya wake, na agîtambûrûkia matu na ûmenyo wake.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

Maariko 13:19

Nîûndû vîndî îo andû nîmakoona mathîna matanoneka kuuma rîrîa Ngai aambîrîrie kûmba nthî. Na gûtirî vîndî andû makaathînîka ta ûguo rîngî.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 17:24

Ngai ûrîa waûmbire nthî na indo cionthe irîa irî kuo, nî Mwathani wa îgûrû na nthî, na ndatûûraga hekarûrî îrîa ithondeketwe nî andû.

Ciîko 4:24

Rîrîa etîkia meegwire ûvoro ûcio, nîmaavoire Ngai marî na ngoro îmwe makiugaga atîrî, “Mwathani na Mûmbi wa îgûrû na nthî, îria na indo cionthe irîa irî kuo!

Aroma 11:36

Nîûndû indo cionthe ciaûmbirwe nîke na indo cionthe itûîre nîûndû wa ûvoti wake na nî ciake. Nake arokumua tene na tene! Ameni!

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Aefeso 3:9

Kîveo kîu nwa gîa kûmenyithia andû onthe mûvango wa nthitho, ûrîa ûtwîre ûthithîtwe kuuma tene nî Ngai ûrîa waûmbire indo cionthe.

Ahib 1:10

Ngai nîwacokire akiuga atîrî, “Kîambîrîriarî, we Mwathani nîwaûmbire nthî, na ûkîthondeka îgûrû na njara ciaku.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.

Ahib 11:3

Nîûndû wa wîtîkio nîtûmenyaga atî Ngai aaûmbire nthî na îgûrû na njîra ya kiugo gîake. Kwoguo kîrîa kîonekaga Kîamthondekirwe kuumana na kîrîa gîtonekaga.

Ahib 3:4

Nyomba wa yonthe îthagîrwa îrî na mûmîtumi, nwatî Ngai nîke ûtumîte indo cionthe.

2Pet 3:5

Makîmenyaga na ma atî tene mûno Ngai nîwathanire kûgîe îgûrû na nthî. Nthî yaûmbirwe kuuma kûrî manjî.

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:13

Nie nînie wa mbere na wa mûthiia, Kîammbîrîria na kîrîkîro.”

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”