Josh 6:20 - ÎVUKU RÎA ÛVORO MWARO

²⁰ Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.

Josh 6:20 ပူးပေါင်းရင်းမြစ်များ

2Maû 13:15

Athigari a Juda nîmaacokire makiugîrîria na mûgambo wa mbaara. Nao nîmaatharîkîre na Ngai agîtûma Jeroboamu na athigari a Isiraeli mavootwe nî Abija na athigari a Juda.

Zefania 1:16

mûthenya ûcio nî wa tûrumbeta na mbaara, kûrî matûûra marîa marî nthingo nene na nthingo ndaca.

Ahib 11:30

Wîtîkio nîguo watûmire nthingo cia Jeriko ciomomoke ciarîkia kûthiûrûrûkwa mîthenya mûgwanja nî andû a Isiraeli.

Josh 6:5

Athînjîri-Ngai nîmakaavuva tûrumbeta twao na mûgambo mûnene. Rîrîa mûkaawîgua andû onthe nîmakaaugîrîria na mûgambo mûnene. Nacio nthingo cia îtûûra rîa Jeriko nîikomomoka na andû nîmagaatonya îtûûrarî kuuma mîena yonthe.”

1Sam 4:5

Vîndî îrîa îthandûkû rîa kîrîkanîro rîa Ngai-Mûnene rîakinyire kûrîa Aisiraeli maambîte magema mao, andû onthe a Isiraeli nîmaakenire na makiugîrîria na mûgambo mûnene mûno nginya ûgîtûma nthî îrurume.