Josh 22:31 - ÎVUKU RÎA ÛVORO MWARO

³¹ Nake Finehasi mûvîcî wa Eliazaru mûthînjîri-Ngai nîwamerire atîrî, “Rîu nîtwamenya atî Ngai-Mûnene arî natue. Mûtinaregana nake, kwoguo nîmwavonokia andû a Isiraeli kuuma kûrî îverithia rîake.”

Josh 22:31 ပူးပေါင်းရင်းမြစ်များ

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Ezira 7:5

Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Ntha 25:8

Andû nwanginya mandumîre îgema îtheru rîa gwîkaraga nîguo ndûûrage gatagatîrî kao.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

1Akor 14:25

Namo maûndû ma nthitho marîa marî ngororî ciao nîmakûguûrua. Kwoguo nîmakwînamîrîra na magooce Ngai makiugaga atîrî, “Na ma Ngai arî ava gatagatîrî kenyu!”

Josh 22:30

Rîrîa Finehasi ûrîa warî mûthînjîri-Ngai na atongoria îkûmi arîa maarî nake na anene a mîvîrîga îrîa yarî mwena wa îthûîro megwire ûrîa andû a mûvîrîga wa Reubeni, Gadi na Manase ya mwena wa îrathîro maaugire nîmaakenire.

Josh 22:32

Finehasi na atongoria arîa maarî nake nîmaatigire andû a mûvîrîga wa Reubeni na Gadi vûrûrirî wa Gileadi. Nîmaacokire Kanaani kûrî andû a Isiraeli na makîmeera ûrîa maûndû monthe meekîkîte.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.