Josh 22:24 - ÎVUKU RÎA ÛVORO MWARO

²⁴ Nwatî tîguo kûrî! Twekire ûguo nîûndû nîtwetigagîra atî mavinda marîa magaaûka njiarwa cienyu nîikaaûria njiarwa cietû atî: ‘Nîmwenda atîa na Ngai-Mûnene, Ngai wa Isiraeli?

Josh 22:24 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 30:33

Vuvarî nîûgaaûka kûroria mûcara wakwa, na nîûkaamenya kana naarî mwîvokeku kana ndiarî mwîvokeku. Ûngîkambîthîra na ng'ondu îtarî mbirû kana îtarî na macûgû kana maroro nîûkaamenya nî ya kwîa.”

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Gûco 6:20

“Vuvarî ciana cienyu ingîkaamûria kîrîa gîatûmire Ngai-Mûnene amûva kîrîra, mawatho na matuîro ma ciira mama monthe,

Josh 22:23

Ethîrwa nîtwaregire kwathîkîra Ngai-Mûnene na tûgîtuma metha yetû ya kîgongoona nîguo tûrutagîre magongoona ma kûvîvua kana magongoona ma irio kana ma thayû vo, Ngai-Mûnene ke mwene arotûverithia.

Josh 22:25

Ngai-Mûnene nîwathondekire rûnjî rwa Jorodani rûtuîke mûvaka wa andû a mûvîrîga wa Reubeni na Gadi. Mue mûtiagîrîrwe nî kûgooca Ngai-Mûnene.’ Nacio njiarwa cienyu nwa itûme njiarwa cietû itiga kûgooca Ngai-Mûnene.

Josh 4:6

Mathiga mama nîmagaatuîka kîririkania kîenyu vîndî îrîa îgaaûka, rîrîa ciana cienyu ciamûria gîtûmi Kîammo.