Josh 21:27 - ÎVUKU RÎA ÛVORO MWARO

²⁷ Mbarî ya Gerishoni a mûvîrîga wa Lawi wanao nîmaaveerwe matûûra mao kuuma vûrûrirî wa nuthu îo îngî ya mûvîrîga wa Manase îtûûra rîa Golani rîrîa rîrî Bashani (îtûûra rîmwe rîa kwîthithaga) na Beeshitera. Matûûra mau maarî vamwe na kûndû gwa kûrîthia.

Josh 21:27 ပူးပေါင်းရင်းမြစ်များ

1Maû 6:47

Shemeri aarî mûvîcî wa Mahili, Mahili aarî mûvîcî wa Mushi. Mushi aarî mûvîcî wa Merari, na Merari aarî mûvîcî wa Lawi.

1Maû 6:71

Mbarî ya Gerishomu nîyagaîrwe matûûra manene mama marûmîrîrîte vamwe na kûndû gwa kûrîthua. Vûrûrirî wa Manase ya mwena wa îrathîro nî îtûûra rîa Golani îrîa îrî Bashani na Ashitarothu.

Gûco 1:4

Eekire ûguo arîkia kûvoota Sihoni, mûthamaki wa Amori ûrîa wathanaga arî îtûûrarî rîa Heshiboni, na Ogi, mûthamaki wa Bashani ûrîa wathanaga arî matûûrarî ma Ashitarothu na Edirei.

Gûco 4:43

Nîwamûrire îtûûra rîa Bezeri rîrîa rîrî werûrî kûndû kûrîa kwaraganu rîtuîke rîa andû a mûvîrîga wa Reubeni, na îtûûra rîa Ramothi rîrîa rîrî vûrûrirî wa Gileadi rîtuîke rîa mûvîrîga wa Gadi, na îtûûra rîa Golani rîrîa rîrî vûrûrirî wa Bashani rîtuîke rîa mûvîrîga wa Manase.

Josh 20:8

Naguo mûringo wa rûnjî rwa Jorodani, îrathîro rîa Jeriko nîmaathuurire Bezeri vûrûrirî wa Reubeni, Ramothi vûrûrirî wa Gileadi kuuma mûvîrîgarî wa Gadi na Golani îrîa îrî Bashani vûrûrirî wa Manase.

Josh 21:26

Matûûra manene marîa maaverwe mbarî icio ciîngî cia Kohathu maarî îkûmi wa vamwe na kûndû gwa kûrîthia.

Josh 21:28

Kuuma vûrûrirî wa mûvîrîga wa Isakaru nîmaaveerwe matûûra manene mana vamwe na kûndû gwa kûrîthia. Namo nî: Kishioni, Daberathi,

Josh 21:6

Mbarî ya Gerishoni nîyagaîrîtwe matûûra manene îkûmi na mathatû kuuma mavûrûrirî ma mîvîrîga ya Isakaru, Asheri, Nafutali na Manase ya mwena wa îrathîro.