Josh 13:33 - ÎVUKU RÎA ÛVORO MWARO

³³ Nwatî mûvîrîga wa Lawi ndwagaîrwa kûndû gûtuîka kwao. Musa nîwamerire atî îgai rîao rîkethagîrwa rîrî gîcunjî Kîam indo irîa itegagîrwa Ngai-Mûnene, Ngai wa Isiraeli.

Josh 13:33 ပူးပေါင်းရင်းမြစ်များ

Ezek 44:28

“Athînjîri-Ngai matiagîrîrwe nî kûgaîrwa mîgûnda, nînie îgai rîao. Matikagaîrwa vûrûrirî wonthe wa Isiraeli.

Ndari 18:20

Ngai-Mûnene nîwerire Aroni atîrî, “Ndûkagaa wanarî kîndû vûrûri wa andû a Isiraeli, kana ûvewe gîcunjî wanarî kîmwe Kîam vûrûri ûcio. Nie nînie gîcunjî gîaku na îgai rîaku.”

Gûco 10:9

Kwoguo andû a mûvîrîga wa Lawi matiagaîrwa vûrûri wa gûtûûra ta mîvîrîga îrîa îngî. Vandû va ûguo maagaire wîra wa gûtungatîra wata ûrîa Ngai-Mûnene Ngai wenyu aamerîrîte.)

Josh 13:14

Musa ndaagaîra mûvîrîga wa Lawi kûndû gûtuîka kwao, nîûndû Ngai-Mûnene nîwerîte Musa atî Alawi makaamûkagîra îgai rîao kuuma magongoonarî ma kûvîvua marîa makaarutagîrwa Ngai-Mûnene, Ngai wa Isiraeli ma metharî ya kîgongoona.

Josh 13:32

Ûguo nîguo Musa aagaire vûrûri ûrîa warî mwena wa îrathîro wa Jeriko na Jorodani arî Moabu kûndû kûrîa kwarî kwaraganu.

Josh 18:7

Mûvîrîga wa Lawi ndûkaagaîrwa îgai mîvîrîga îo îngî îkîgaîrwa nîûndû îgai rîao nî gûtungata marî athînjîri-Ngai. Nayo mîvîrîga ya Gadi, Reubeni na nuthu ya mûvîrîga wa Manase nîagwatu îgai rîao rîrîa meerîrwe. Nîmaagaîrwe vûrûri ûrîa ûrî mwena wa îrathîro wa rûnjî rwa Jorodani nî Musa ndungata ya Ngai-Mûnene.”