Josh 10:37 - ÎVUKU RÎA ÛVORO MWARO

³⁷ na makîrîrînyita. Joshua na athigari ake a mbaara nîmaaûragire mûthamaki wakuo na andû onthe arîa maarî îtûûrarî rîu wana arîa maarî matûûrarî marîa maarî vakuvî na Heburoni. Joshua nîwaugire îtûûra rîa Heburoni rîcûkangue viû wata ûrîa Egiloni yekirwe. Andû onthe îtûûrarî rîu nîmaaûragirwe.

Josh 10:37 ပူးပေါင်းရင်းမြစ်များ

Ntha 17:13

Ûguo nîguo Joshua aavootire Amaleki.

Josh 10:28

Joshua nîwatharîkîre îtûûra rîa Makeda na nîwarînyitire mûthenya ûcio. Nîwaûragire mûthamaki na andû onthe arîa maarî îtûûrarî rîu na gûtirî mûndû wana ûmwe watigirwe arî mwoyo. Eekire mûthamaki wa Makeda wata ûrîa eekire mûthamaki wa Jeriko.

Josh 10:35

Joshua na athigari ake a mbaara nîmaanyitire îtûûra rîu mûthenya wa ûcio na makîûraga andû onthe kuo wata ûrîa meekîte Lakishi.

Josh 10:36

Vuva wa ûguo, Joshua na athigari ake a mbaara nîmaaumire Egiloni na makîthiî îtûûrarî rîa Heburoni na makîrîtharîkîra

Josh 10:38

Joshua na athigari ake a mbaara nîmaacokire makîthiî nginya îtûûrarî rîa Dabiri na nîmaarîtharîkîre.

Josh 10:39

Nîmaarînyitire wa vamwe na mûthamaki warîo, wana matûûra mengî manini marîa maarî vakuvî. Nîmaacokire makîûraga andû onthe a kuo. Îtûûra rîa Debiri rîekirwe nî Joshua na athigari ake wata ûrîa matûûra ma Heburoni, Libuna na athamaki ao meekirwe.

Josh 10:40

Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.