Jona 4:8 - ÎVUKU RÎA ÛVORO MWARO

⁸ Riûa rîarîkia kûratha, Ngai nîwatûmire rûkûngi rûviû kuuma mwena wa îrathîro, na Jona nîwavîvirue kîongo mûno nî ûrugarî wa riûa nginya akîenda kûgirîka. Kwoguo nîwerirîrie gûkua na nîwaugire atîrî, “Nîkava ngue gûkîra ndûûre mwoyo.”

Jona 4:8 ပူးပေါင်းရင်းမြစ်များ

Kîam 41:6

Nacio igira ciîngî mûgwanja njeke na nyûmagaru nîûndû wa rûkûngi rwa werûrî nîciamerire.

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

1Atha 21:4

Ahabu nîwathiîre mûciî gwake arî mûrakaru na ûthû mwîngî nîûndû wa ûrîa Nabothi aamwîrîte, atî tîamûnengera mûgûnda wa mîthabivû nîûndû aaûgaire kuuma kûrî methe make. Ahabu nîwamamire ûrîrîrî wake erekerete rûthingo, na ndangîarîre irio.

Ayubu 2:10

Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Ayubu 7:15

Nie nthuurîte nîkava gwîita; nîkava gûkua gûkîra kwona mathîna ta mama.

Thaburi 121:6

Riûa rîtigaakûvîvia mûthenya, kana mweri ûgwîka naaî ûtukû.

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Mûvunjia 7:9

Ndûkarakarage na îvenya, nîûndû marakara mekaraga kûrî irimû.

Rwîmbo rwa Nyîmbo 1:6

Mûtikambire nîûndû nîrî mwirû, nîûndû nî riûa rîmvîvîtie. Aa mûrwaiya nîmaarakarire nînie, na nîmaatûmire ndute wîra mûgûndarî wa mîthavibu. Ndiarî na kavinda ga kwîthakaria.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Ezek 19:12

Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Jona 1:17

Nake Ngai-Mûnene nîwathire nthamaki nene îmerie Jona. Jona nîwekarire îvurî rîa nthamaki îvinda rîa mîthenya îthatû ûtukû na mûthenya.

Jona 1:4

Nwatî Ngai-Mûnene nîwatûmire rûkûngi rûnene rûvurutane îriarî, na gûkîgîa na kîvuvûkanio kînene mûno îriarî nginya meri îkîenda kunîkanga.

Jona 4:3

Kwoguo rîu, we Ngai-Mûnene, nakûthaitha ûmbûrage. Nîkava ngue gûkîra ndûûre mwoyo.”

Jona 4:9

Nwatî Ngai nîwerire Jona atîrî, “Kûrî na vata wa kûrakarîra kamûtî kau?” Nake Jona nîwacokirie atîrî, “Nîrî na kîvooto gîa kûrakara, kûrakara nginya ngerirîria gûkua!”

Mathaayo 20:12

Nîmaaugaga atîrî, ‘Andû aya mandîkirwe vuva wetû marutîte wîra îthaa rîmwe tu, warîrîa tue tûrutîte wîra mûthenya mûgima tûkîvîcaga nî riûa na wacoka watûrîva ûndû ûmwe na o!’

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.

Kûguû 7:16

Nao matikaavûta kana manyonde. Na matigaacoka kûvîvua nî riûa rîngî kana ûrugarî wa rîo

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”