Jona 4:6 - ÎVUKU RÎA ÛVORO MWARO

⁶ Nake Ngai-Mûnene Ngai, nîwatûmire kamûtî kamere na gakûre kamûkunîkîre na kîruru gîa ko, nîguo kamûthirathirîrie mathîna marîa aarî namo. Jona nîwakenire mûno nî kamûtî kau.

Jona 4:6 ပူးပေါင်းရင်းမြစ်များ

Esita 5:9

Hamani nîwaumire kîrugorî arî na gîkeno na acanjamûkîte mûno ngororî. Nwatî rîrîa oonire Moridekai arî kîvingorî gîa gûtonya kwa mûthamaki, na akîona atî ndaramûrûngamîrîra kana amûva gîtîîo na njîra wa yonthe, Hamani nîwarakarire mûno nîûndû wake.

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Nthi 23:5

Ûtonga ûthiraga ta kûminjia na kûminjûkia, takwa wagîa na mathagu wa rîmwe ûkînagûrûka ta nderi.

Isaia 39:2

Hezekia nîwamagwatire ûgeni, na akîmonia nyomba îrîa aigaga ûtonga wake: sîlûva, thaavu, indo cia gwîkîra irio mûnungo mwaro, maguta ma goro, indo ciake cionthe cia mbaara na indo cionthe irîa ciarî makûmbîrî make. Gûtirî Kîamrî nyombarî ya Hezekia kana Kîamrî vûrûrirî wake ataamoonia.

Amosi 6:13

Mwîtîîaga nîûndû wa kûnyita îtûûra rîa Lodebari, mugaga atî, “Na vinya wetû nîtwînyitîrîte îtûûra rîa Karinaimu.”

Jona 1:17

Nake Ngai-Mûnene nîwathire nthamaki nene îmerie Jona. Jona nîwekarire îvurî rîa nthamaki îvinda rîa mîthenya îthatû ûtukû na mûthenya.

Jona 4:5

Jona nîwaumire nja ya îtûûra na agîkara nthî mwena wa îrathîro wa îtûûra rîu. Nîwatumire kanyomba gake vau na agîkara nthî kîrururî gîa ko, na agîeterera one ûrîa kûu îtûûrarî rîa Nineve gûgwîkara.

Jona 4:7

Nwatî mûthenya ûcio wîngî gûgîkîa, Ngai nîwathire kîgunyû gîcûkangie kamûtî kau, na nîkaaûmire.

Luka 10:20

Mûtigakene nîûndû wa atî ngoma nîiramwathîkîra, nwatî mûkene nîûndû marîîtwa menyu nîmandîke îgûrû.”

1Akor 7:30

Andû arîa marî na kîeva magîrîrwe nî gwîkara takwa matarî na kîeva. Andû arîa marakûngûîra magîrîrwe nî gwîkara takwa matarakûngûîra. Andû arîa maragûra indo magîrîrwe nî gwîkara takwa matarî na indo.