Jona 4:11 - ÎVUKU RÎA ÛVORO MWARO

¹¹ Nie mbagîrîrwe nî kwîguîra Nineve ntha ciîgana atîa, îtûûra rîu rînene? Makîria ya ûguo, îtûûrarî rîu kûrî na andû makîria ya ngiri îgana rîa mîrongo îîrî (120,000) matarî na mavîtia, na kûrî na nyamû nyîngî cia mîciî!”

Jona 4:11 ပူးပေါင်းရင်းမြစ်များ

Kîam 9:10

wana nginya na ciûmbe cionthe irîa itûûraga mwoyo, irîa irî vamwe namue; ta: iconi, ndîthia cionthe, nyamû cia kîthakarî irîa irî vakuvî namue wana irîa cionthe mwaumire nacio thabinarî.

Thaburi 104:14

Nîûtûmaga nyaki îkûre nîûndû wa ng'ombe, na mîmera nîguo andû mamîtûmîre, nîguo magîcage na irio kuuma nthî,

Thaburi 36:6

Ûthingu waku wîkariî ta irîma nene; waragania waku nî ta îria îriku mûno. We Ngai-Mûnene, nîwe ûgitagîra andû na nyamû.

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 37:37

Senakeribu, mûthamaki wa Asîria nîwacokire akiuma kûu, akînûka na agîtûûra Nineve.

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Jona 1:2

“Ûkîra ûthiî Nineve, îtûûra rîu rînene na ûrîrume; nîûndû nîmenyete ûrîa andû a kuo marî aganu.”

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Jona 4:10

Ngai-Mûnene nîwerire Jona atîrî, “Kamûtî gaka kaamerire na gagîkûra na ûtukû ûmwe, na gagîcoka gakînaûma mûthenya ûcio wîngî. Gûtirî ûndû wagekire na ndwatûma gakûre nwatî nîûrakeguîra ntha!

Mathaayo 18:33

We wanawe nîûragîrîrwe nî kwîguîra ndungata îo mûrutaga wîra nayo ntha, wata ûrîa nie nîrakwîguîrîre ntha.’

Gûco 1:39

“Ngai-Mûnene nîwacokire agîtwîra atî, ‘Ciana cienyu irîa itangîvota gûkûûrana ûndû mwaro na mûcûku, icio mwaugire nîigaatavwa nî nthû cienyu, nîcio igaatonya vûrûrirî ûcio, na nîngaaiva guo ûtuîke wacio.