Jona 2:3 - ÎVUKU RÎA ÛVORO MWARO

³ We nîwambikirie kûrîa kûrikîru gîtina Kîam îria, kûrîa naarî rungu rwa manjî, kîvuvûkanio na mwîcûro wa manjî ciarî îgûrû rîakwa.

Jona 2:3 ပူးပေါင်းရင်းမြစ်များ

2Sam 22:5

Naarigicîrîtue nî ngûngi cia gîkuû mîena yonthe, ngûngi cia wanangi nîciambîthîrîrie.

Thaburi 116:1

Nîmendete Ngai-Mûnene nîûndû nîambîgucaga, nîathikagîrîria mavoya makwa.

Thaburi 116:2

Ke nîanthikagîrîria, kwoguo nîndûûra nîmûkayagîra vîndî cionthe.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Thaburi 42:7

Mathîna manthiûrûrûkîrîtie ta mwîcûro wa manjî, maragamba ta ndurumo cia manjî manyûrûrûkîte mathiîte Jorodani, nîraikanua nî makûmbî ma manjî na ndivû ciamo.

Maca 3:54

Nambîrîria gûkunîkîrwa nî manjî; nînaugire atîrî, ‘Ûyû nî mûthiro wakwa.’

Maca 3:55

“Nîrî ndaarî ya îrima, nînagûkaîre we Ngai-Mûnene.