Jona 1:8 - ÎVUKU RÎA ÛVORO MWARO

⁸ Nao amenyereri a meri nîmaacokire makîmwîra atîrî, “Rîu twîre tûrona thîna ûyû nîûndû wa mavîtia ma û. Ûreka atîa gûkû? Umîte kû? Umîte vûrûrirî ûrîkû? Andû enyu nîarîkû?”

Jona 1:8 ပူးပေါင်းရင်းမြစ်များ

Kîam 47:3

Mûthamaki wa Misiri nîwaûririe anake acio atîrî, “Mûrutaga wîra ûrîkû?” Nao nîmaacokerie mûthamaki wa Misiri atîrî, “Mwathi wetû, tue twîthagîrwa tûrî arîthi, wata ûrîa methe metû ma tene maarî.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

1Sam 14:43

Nake Saûlo nîwaûririe Jonathani ûrîa eekîte. Nake Jonathani akîmûcokeria na akîmwîra atîrî, “Nie nînaarîre kaûûkî kanini na mûthiia wa kamûtî karîa naanyitîte na njara. Na rîu nînîîvarîrîtie gûkua.”

1Sam 30:13

Daudi nîwamûûririe atîrî, “Mwathi waku nû, na umîte kû?” Nake nîwacokirie atîrî, “Nie nîrî mwanake Mûmisiri na nîrî ndungata ya Mûamaleki. Mwathi wakwa aandigire ava mîthenya îthatû mîthiru narwara.