Jona 1:5 - ÎVUKU RÎA ÛVORO MWARO

⁵ Nao amenyereri a meri nîmaamakire mûno, na wa mûndû akîambîrîria kûrîrîra ngai wake. Nîmaacokire magikia mîrigo îo yarî merirî kûu îriarî nîguo meri îvûthavûthe. Vîndî îo Jona nîwanyûrûrûkîte akathiî kanyombarî ka ndaarî ka meri, na kûu nîkuo aamamîte toro ndito.

Jona 1:5 ပူးပေါင်းရင်းမြစ်များ

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

Ayubu 2:4

Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Thaburi 107:25

Nîwathanire, na rûkûngi rûnene rûkîvurutana, rûgîtûma makûmbî ma manjî îriarî maûkîrîre.

Thaburi 148:8

Mveni, mbura ya mbembe, mbaravu na mbaa, rûkûngi rûnene rûrîa rûvingagia watho wake!

Mûvunjia 3:6

Kavinda ga gûcaria na kavinda ga gûta, kavinda ga gûcokanîrîria indo na kavinda ga gûta.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Jona 1:14

Kwoguo nîmaarîrîre Ngai-Mûnene makiugaga atîrî, “We Ngai-Mûnene, twakûthaitha ndûgatûthirie nîûndû wa kûûraga mûndû ûyû, na ndûgatûme tûcokererwe nî nthakame îtarî na mavîtia! We Ngai-Mûnene wîkîte ûrîa wonire kwagîrîrîte.”

Jona 1:16

Amenyereri acio a meri nîmeetigîre Ngai-Mûnene mûno, na nîmaamûrutîre magongoona na makîmwîrîra na mîvîtwa atî, makaamûtungatagîra.

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”

Mathaayo 25:5

Nake mûvikania nîwacererwe nî gûkinya, na kwoguo erîtu acio nîmaambîrîrie kûgocerera na makîmama.

Mathaayo 26:43

Ke nîwacokire rîngî kûrîa arutwa maarî, na nîwamethîrîrie mamamiî nîûndû maarî na toro mwîngî.

Mathaayo 26:45

Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia.

Ciîko 27:38

Rîrîa andû onthe meeganirie kûrîa, nîmaaikirie ngano yonthe kûu îriarî nîguo meri îvûthavûthe.

Atir 16:19

Delila nîwathaîrîrie Samusoni nginya akîgocerera na akîmamîria kîongo gîake ciaûrî cia Delila. Delila nîwacokire agîîta mûndûmûrûme ûmwe na akîmwîra enje mîvîndo îo mûgwanja ya njuîrî cia kîongo gîa Samusoni. Delila nîwambîrîre kûthînia Samusoni nîûndû vîndî îo Samusoni aarî mûthirîre nî vinya.

1Sam 24:3

Saûlo nîwakinyire ngurungarî ya vandû vaarî na njaga cia ng'ondu rûtere rwa njîra na nîwatonyire ndaarî nîguo etethie. Nakuo kûu ngurungarî îo ndaarî nîkuo Daudi na andû ake meethithîte.