Jona 1:2 - ÎVUKU RÎA ÛVORO MWARO

² “Ûkîra ûthiî Nineve, îtûûra rîu rînene na ûrîrume; nîûndû nîmenyete ûrîa andû a kuo marî aganu.”

Jona 1:2 ပူးပေါင်းရင်းမြစ်များ

Kîam 10:11

Kuuma kûu Nimurodi nîwathiîre vûrûrirî wa Asîria agîtuma matûûra ma Nineve, Rehobothi, Iri na Kala.

2Atha 19:36

Senakeribu, mûthamaki wa Asîria nîwacokire akiuma kûu na agîcoka mûciî, Nineve na agîtûûra kuo.

2Maû 28:9

Kwarî mûrathi wa Ngai-Mûnene wetagwa Odedi na watûûraga kûu Samaria. Nîwaumagarire akîthiî gûtûnga athigari a mbaara a Isiraeli vamwe na athigari arîa maatavîte a Juda rîrîa maarî vakuvî gûtonya Samaria. Nîwamerire atîrî, “Ngai-Mûnene, Ngai wa methe menyu nîwarekererie andû a Juda kûrî mue nîûndû nîwarakarîtue nîo. Nwatî Ngai nîwonete ûrîa mûragîte andû acio mûtakûmacaîra.

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Isaia 37:37

Senakeribu, mûthamaki wa Asîria nîwacokire akiuma kûu, akînûka na agîtûûra Nineve.

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Jona 3:2

“Ûkîra ûthiî Nineve, îtûûra rîu rînene, ûkanîrîre ndûmîrîri îo ngûvete kûrî andû a kuo.”

Jona 3:3

Kwoguo Jona nîwaûkîrire na akîthiî Nineve wata ûrîa aathirwe nî Ngai-Mûnene. Îtûûra rîa Nineve rîarî rînene mûno. Wariî wa rîo warî wa rûgendo rwa mîthenya îthatû, mûndû athiîte na magûrû.

Jona 4:11

Nie mbagîrîrwe nî kwîguîra Nineve ntha ciîgana atîa, îtûûra rîu rînene? Makîria ya ûguo, îtûûrarî rîu kûrî na andû makîria ya ngiri îgana rîa mîrongo îîrî (120,000) matarî na mavîtia, na kûrî na nyamû nyîngî cia mîciî!”

Mika 3:8

Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Nahumu 1:1

Ino nîyo ndûmîrîri îgiî Nineve. Nî îvuku rîa cioneki cia Nahumu mûvîcî wa Elikoshi.

Nahumu 3:19

Gûtirî mûndû wa kûvonia ngurara ciaku, na ironda ciaku itingîvona. Arîa onthe megucaga ûvoro waku, nîmavûravûra mvî nî gûkena. Nî mûndû ûrîkû waûrire waganu waku ûcio ûtarî mûthiia?

Mathaayo 10:18

Mue nîmûkaavirwa mûgacirithue mbere ya anene na athamaki nîûndû wakwa; nîguo mûvecane ûira wakwa kûrî o na kûrî andû a ndûrîrî.

Mathaayo 12:41

“Mûthenya wa îtuîro andû a Nineve nîmakaarûngama na moonanie ûrîa mue andû a rûciaro rûrû mûrî acûku. Vîndî îrîa Jona aamavunjîrie nîmeeririre. Nie nîramwîra atî, ava varî na mûndû mûnene gûkîra Jona.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Kûguû 18:5

Nîûndû mevia make maiganîrîrîtwe vamwe magakinya îgûrû, nake Ngai nîaririkanîte waganu wake.