Johana 9:8 - ÎVUKU RÎA ÛVORO MWARO

⁸ Nao andû arîa maariganîtie nake na arîa maamenyerete kûmwona akîvoya ûtethio nîmaaûririe atîrî, “Na kinthî mûndû ûyû tîke ûramenyerete kûvoya ûtethio ekarîte nthî?”

Johana 9:8 ပူးပေါင်းရင်းမြစ်များ

Maariko 10:46

Nao nîmaakinyire Jeriko. Na rîrîa Jesû aaumire Jeriko marî na arutwa ake, wa vamwe na gîkundi kînene Kîam andû, nîmoonire mûtumumu wekarîte rûtererî rwa njîra akîvoyaga ûtethio. Na mûtumumu ûcio eetagwa Baritimayo (mûrû wa Timayo).

Luka 1:58

Rîrîa andû a îtûûra arîa maatûûranîrîte na Elizabethi wa vamwe na andû a mûciî wao meegwire ûrîa Mwathani aamwîkîte waro, nî maakenanîre nake.

Luka 18:35

Rîrîa Jesû aakuvîvîrie îtûûra rîa Jeriko, nîwakinyire vandû vaarî na mûtumumu wekarîte nthî rûtererî rwa njîra akîvoyaga ûtethio.

Johana 9:9

Andû amwe nîmaacokirie atîrî, “Nîke.” Nwatî engî magîcokia atîrî, “Naarî tîke. Nîkwa aronekana ta ke.” Kwoguo ke mwene nîwamerire atîrî, “Nie nînie ke.”

Ruthu 1:19

Kwoguo nîmaathiîre oîrî nginya magîkinya Bethilehemu. Rîrîa maakinyire kuo, andû onthe a îtûûra rîu nîmaamakire mûno, nao aka makîambîrîria kûrania atîrî, “Na kinthî ûyû nî Naomi?”

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.

1Sam 21:11

Nacio ndungata cia mûthamaki ûcio nîciamwîrire atîrî, “Kinthî ûyû tî Daudi ûrîa mûthamaki wa vûrûri wa Isiraeli? Ûyû nîke mûndû ûrîa aka maainîre makiugaga atî, ‘Saûlo nîaûragîte andû ngiri nyîngî, nwatî Daudi nîaûragîte andû ngiri makûmi meengî.’ ”