Johana 9:34 - ÎVUKU RÎA ÛVORO MWARO

³⁴ Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.

Johana 9:34 ပူးပေါင်းရင်းမြစ်များ

Kîam 19:9

Nwatî arûme acio nîmaaugire atîrî, “Twererekere, we ûrî mûgeni gûkû! We ûrî û wa gûtwîra ûrîa tûgwîka? Twererekere kana tûgwîke naaî kûmakîra.” Nao nîmaatindîkire Loti na vuva na makîîvarîria gûtua mûrango.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Ntha 2:14

Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.”

Nthi 22:10

Îngata mûndû wa îtherû, na ngucanio nîikûûra, ngarari na irumi nîikûthira.

Nthi 26:12

Nî kava kîrimû gûkîra mûndû ûrîa wîtucaga atî ke nî mûûgî.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Luka 11:45

Nake mwarimû ûmwe wa watho nîwerire Jesû atîrî, “Mwarimû, vîndî îrîa ûkuga ûguo, wa natue nî ûratûruma!”

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 18:17

Nîramwîra na ma atî, mûndû wa wonthe ûtamûkagîra Ûthamaki wa Ngai ta kaana ndagaaûtonya.”

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Johana 6:37

Andû onthe arîa Vava amvete nîmagûka kûrî nie. Na nie ndirî vingo ngeengata mûndû wa wonthe ûrîa ûûkaga kûrî nie.

Johana 8:41

Mue mûreka ûrîa îthe wenyu eekire.” Nao nîmaamûcokerie atîrî, “Ngai ke mwene nîke Îthe wetû na tue tûrî ciana ciake cia ma.”

Johana 9:2

Nao arutwa ake nîmaamûririe atîrî, “Mwarimû, nî mevia ma û maatûmire mûndû ûyû aciarwe arî mûtumumu? Nî make kana nî ma aciari ake?”

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Johana 9:35

Rîrîa Jesû eegwire ûrîa kwarîkîtie gwîkîka nîwacaririe mûndû ûcio na amwona akîmûria atîrî, “We nîwîtîkîtie Mûrû wa Mûndû?”

Johana 9:40

Nao Afarisai amwe arîa maarî vakuvî nake nîmegwire akiuga ûguo na makîmûria atîrî, “Nîkwa ûrenda kuga atî wa natue tûrî atumumu?”

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

Agal 2:15

Nama tue tûrî Ayahudi, na tûtirî andû a ndûrîrî arîa evia.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

3Joh 1:10

Kwoguo rîrîa ngaaûka nîngaaumbûra maûndû monthe marîa ekaga. Nîngaaumbûra ûrîa aragia maûndû meengî macûku matwîgiî. Na twa mau monga, ke mwene ndagwataga ariû na aarî a îthe wetû arîa engî ûgeni na nîagiragia arîa makwenda kûmagwata ûgeni mamagwate na akamengata kanitharî!

3Joh 1:9

Nînandîkîîre kanitha kamaarûa gakuvî, nwatî Dioterefe ûrîa wîtucaga mûnene wao ndetîkagîra maûndû marîa mbugaga.

Kûguû 13:17

Kwoguo gûtirî mûndû ûngîagûrire kana endia kîndû atarî na rûûri rûu. Rûûri rûu, rwarî rîîtwa rîa nyamû ya mbere kana namba îrîa yarûngamagîrîra rîîtwa rîayo.