Johana 9:30 - ÎVUKU RÎA ÛVORO MWARO

³⁰ Nake mûndû ûcio nîwamacokerie atîrî, “Na kaî nîmûramakia-î! Mue mûtiîcî kûrîa aumîte nwatî ke nîke ûramvonirie metho!

Johana 9:30 ပူးပေါင်းရင်းမြစ်များ

Thaburi 119:18

Vingûra metho makwa nîguo mone maûndû ma magegania marîa marî wathorî waku.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Isaia 29:18

Mûthenya ûcio itegua nîikegua îvuku rîkîthomwa, nao arîa matûûraga ndumarî marî atumumu nîmakoona.

Isaia 35:5

Itumumu nîikaavota kwona, na itaigua nîikaavota kwîgua.

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 21:42

Nake Jesû nîwamaûririe atîrî, “Anga mûtirî mwathoma ûrîa Mandîko Matheru maugaga atî, ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe. Nî Mwathani wekire ûguo; naguo tûrawona wî ûndû wa magegania!’

Maariko 6:6

Nake nîwamakire mûno nîûndû andû matiarî na wîtîkio. Nake nîwathiîre icagirî irîa ciarî vakuvî na Nazarethi akîthomithagia andû.

Luka 7:22

Nake Jesû nîwacokire akîîra anjaama acio atîrî, “Cokani mûkeere Johana maûndû marîa mweyonera na mweîguîra: atî atumumu nîmarona, ithua nîirathiî, andû arîa arwaru mûrimû wa mangû nîmaratherua, itegua nîiregua, akuû nîmarariûkua, na athîni nîmaravunjîrua Ûvoro Mwaro.

Johana 12:37

Wana ethîrwa Jesû aarî mûringu ciama ino cionthe andû makîonaga, o matiamwîtîkia.

Johana 3:10

Jesû nîwamûcokerie atîrî, “Kûngîvoteka atîa gûtuîke atî we ndwîcî ûndû ûyû na wî mwarimû wî ngumo nene vûrûrirî wa Isiraeli?

Johana 9:29

Tue nîtwîcî atî Ngai nîwarîrie Musa, nwatî tue wana tûtiîcî îtûûra rîrîa mûndû ûcio aumîte!”

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.