Johana 8:6 - ÎVUKU RÎA ÛVORO MWARO

⁶ Nao maaûririe ûguo makîenda kûgeria Jesû nîguo mone ûndû ûrîa mangîmûthitanga naguo. Nwatî Jesû nîwakuamîrîrie na akîandîka nthî na Kîamra gîake.

Johana 8:6 ပူးပေါင်းရင်းမြစ်များ

Kîam 49:9

Juda nî ta mûnyambû mwîthî, ûûragaga gîa kûrîa na ûgacoka kîmamorî Kîamguo, wîtambûrûkagia na ûkamama, gûtirî mûndû ûgeragia gûûkîria.

Thaburi 39:1

Nînaugire atîrî, “Ngaamenyagîrîra mîthiîre yakwa, nîguo rûrîmî rwakwa rûtigatûme njîvie. Ndikaavingûra kanyua gakwa, rîrîa andû arîa aganu marî vakuvî.”

Nthi 26:17

Mûndû ûrîa wîtonyagia ngararirî itamûkoniî ekariî ta mûndû ûrîa ûcemanagia na ngui njîrarî akamînyita matû.

Mûvunjia 3:7

Kavinda ga gûtembûranga na kavinda ka gûtuma, kavinda ga gûkira na kavinda ga kwaria.

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Danieli 5:5

Na wa rîmwe njara ya mûndû nîyaumîrire, na îkîambîrîria kwandîka rûthingorî rûtenderie na thimiti rwa nyomba ya mûthamaki varîa vaarî na ûtheri mûnene. Mûthamaki nîwonire ûrîa njara yandîkaga.

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Amosi 5:13

Kwoguo, nîgûkethîrwa na mavinda macûku na nginya mûndû ûrîa mûûgî nîagaakira kivi.

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 15:23

Nwatî gûtirî ûndû Jesû aamûcokerie. Nao arutwa ake nîmaathiîre kûrî ke na makîmûthaitha makîmwîra atîrî, “Îra mûndûmûka ûyû athiî! Ke nîaranegena mûno atuumîte vuva.”

Mathaayo 16:1

Afarisai amwe na Asadukai nîmaathiîre kûrî Jesû makîenda kûmûgeria. Kwoguo nîmeerire Jesû amaringîre Kîamma kuuma îgûrû nîguo mamenye atî vinya wake umîte kûrî Ngai.

Mathaayo 19:3

Nao Afarisai amwe nîmaathiîre kûrî Jesû, na makîenda kûmûgeria nîmaamûririe atîrî, “Watho wetû nîwîtîkîrîtie mûthuuri ate mûka nîûndû wa gîtûmi wana kîrîkû?”

Mathaayo 22:18

Nake Jesû nîwamenyaga mîvango îo yao mîcûku. Kwoguo nîwamacokeria atîrî, “Mûrangeria nîkî mue mvinga ino?

Mathaayo 22:35

Na mûndû ûmwe gatagatîrî kao warî mwarimû wa Watho nîwageririe kûmûtega na akîmûria atîrî,

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Maariko 10:2

Nao Afarisai amwe nîmaathiîre kûrî ke makîenda kûmûgeria na makîmûûria atîrî, “Watho wetû nîwîtîkîrîtie mûthuuri ate mûka?”

Maariko 12:15

Nwatî Jesû nîwamenyire atî maarî na ûvinga na akîmaûria atîrî, “Mûrangeria nîkî? Tanengerani mbeca nîmîrorie.”

Maariko 3:2

Nao andû amwe arîa maarî kuo nîmaatuîragia ûndû ûrîa mangîmûthitanga naguo. Nao nîmekarire mamûroretie mûno nîguo moone kana nîakûvonia mûndû ûcio mûthenya wa thavatû.

Maariko 8:11

Afarisai amwe arîa meendaga kûgeria Jesû nîmaathiîre kûrî ke na makîambîrîria gûkararania nake makîmûûragia amaringîre Kîamma gîa kûmoonia atî ûvoti wake umîte îgûrû.

Luka 10:25

Vîndî îmwe mwarimû ûmwe wa watho nîwarûngamire akîenda kûgeria Jesû na akîmûria atîrî, “Mwarimû, nie nîngîka atîa nîguo ngaagaîrwa mwoyo wa tene na tene?”

Luka 11:16

Nao andû engî makîmûgeria nîmaamûririe amaringîre Kîamma kuuma îgûrû nîguo onanie atî Ngai aarî vamwe nake.

Johana 8:2

Kîraûko tene mûthenya ûcio wîngî, Jesû nîwacokire hekarûrî. Nao andû onthe nîmaathiîre kûrî ke, nake agîkara nthî na akîambîrîria kûmathomithia.

1Akor 10:9

Tûtiagîrîrwe nî kûgeria Mwathani ta ûrîa amwe kuuma gatagatîrî kao meekire na makîûragwa nî njoka.